خوينا راعي النيميل .. الله يمسيه بالخير .. صار له موقف وش حليله .. زيّه يعني


هو .. من باب اللي مسوي فاهم بكل شي .. يحب يتعبث في أي شي

كنبيوتر مهنـّق وما ينفع مع أمه إلا فورمات .. يقول أنا أعرف له وأخليه سريع

واحد ما يدل .. يوصف له غصب .. إن شا الله يضيـّعه .. المهم موصف موصف

أكلات يعرف .. شوي ويطبخ لنا في المكتب من كثر ما يوصف مطاعم

ملابس وكشخه .. يعرف محلات جمله ومفرق .. ويعز شي اسمه مكاسر

إن شا الله .. سياره متعطله .. ومخبطه مكينتها .. يقول خلوووهاااا <<وين محاوره >> مشغلها مشغلها


موب تسني أبطيت وأنا أحشه .. عادي أمون << أ موون وإلا أ صن كح كح>> هذا خويي حر فيه أحشه على كيفي << أمحق خوي


المهم .. حبيبنا .. فيه واحد .. مبرمج يعني .. جاي ومركب برنامج معين على الأجهزة في القسم .. وقاعد يمر على كل واحد عنده جهاز ويشرح له طريقة تشغيل البرنامج .. وسهله طبعا على خوينا

وهو يشرح .. لأبو الشباب .. راعي النيميل .. قام رعص على الماوس وأعطى أمر ما لأمه علاقه في الشرح


قام ذا اللي يدربه .. قال .. لحظه لحظه .. سوي تراجع

راعي النيميل .. من زود الذهانه .. دعس على رجل المدرب بالكرسي الدوار
ههههههههههههههههههه

عشان قاله سوي تراجع .. أخونا في الله .. دق ريوس بالكرسي ووطى رجل المدرب

يحسبه يقول إرجع ورا


عاد دوروني واللي معي .. متنا ضحك .. ومسكناها عليه .. وقلنا والله ما تتحرك لين يجي المرور

أما هو .. ما تعوق معه .. صرفها على طول

قال للمدرب : أنا عارف قصدك .. بس توقعت بتقعد متساني على الكرسي !!



لحد يضحك لو سمحتوا


وإلا تدرون خلاص .. اللي تعجبه وبيضحك .. عسى الضحكه دوم بقلبهـ/ـا

واللي ما تعجبه .. يسامحنا على الفلل .. قصدي القصور




لكل قلب مر من هنا أجمل ورود الود وأعطرها