الموضوع
:
عضو/مشرف في ضيافة قوافينا الشعريهـ~~
عرض مشاركة واحدة
13-09-2009, 10:35 AM
المشاركة
27
تاريخ الإنضمام :
Jun 2008
رقم العضوية :
22789
المشاركات:
12,869
رد: عضو/مشرف في ضيافة قوافينا الشعريهـ~~
1- ماهي علاقتك بالشعر ؟!!
مثل علاقتي بالهواء
2- من هو شاعرك المفضل ؟!!
كثير لكن على راس القائمة
ناصر الفراعنة & محمد بن فطيس
3- اعضاء في " منتدى الاماكن" تثق في ذائقتهم الشعرية ؟!!
الجميع
4- بيت شعر يحضرك دائما ؟!!
من صارلي بالرخاء عبداً وأنـا عمـه ... لا جاء القسى صرت له عبداً وهو عمي >>> ناصر الفراعنة
5- قصيده تعدها من اروع القصائـد ؟!!
بعض العرب حبه يوردك الجنون
ولا يوصف له غلاه حكاك له
مايقنعه وصف الغلا لو وش يكون
لو كل حرف بالحرير يحاك له
الموت جاك وهو تقلبه الظنون
ولا لك الا الصبر وش وداك له
ان قلت ضايق قال هونها تهون
يدري ان ضيقتك له وبكاك له
تقعد تحبه وانت ساكت ومغبون
كن بيوم يقال له مااوفاك له
وكانك مشكك هو يمون او ما يمون
تخيل ان عفت الصبر فرقاك له
غلاه وهو فوق الغلا ماهوب دون
وحكاه سمعك يجبرك بارخاك له
ودك تحطه في العيون من العيون
وتبسط على رمضا الثرى يمناك له
وتظله من الشمس في ظل الجفون
ولا يمر اذنه سوى لباك له
وتسج من غيره لو انهم يذكرون
ومنين ماسجت القدم ممشاك له
غرو يميله الترف ميل الغصون
غصن ليان ومكرمه باسقاك له
جديله الى اقفى ستر منه المتون
كني بريحه لاألتفت لأدعاك له
كيك وعسل لكن ماهو في صحون
ودعا ك من عين الحسود غطاك له
الله لايعطيه ناس ينضلون
ويستر علية من النحل لا ياكله
الوصف والتعبير في وصفه يخون
غير اطلب الله يستجيب دعاك له
وعذال قلبك في محبته يهبون
سكينهم عن قطع حبله حاكله
ناس عن اعراض العرب مايعرضون
ودايم على نفس الشكل والشاكله
اللي من لحوم الاوادم ياكلون
وحلوقهم دفع البلا متواكله
في سلمهم اولى بالاكل الاقربون
واطيبهم اللي صيدته شكواك له
عازمهم الشيطان للذنب ويجون
هذا يقطع له وذاك يواكله
ياجعلهم فدوة ثرا الغض الفتون
اللي على الدرب الطويل خطاك له
طيفه الى نام البشر زارك بهون
وطيفك الى نام البشر سراك له
حبه دفان ومقبرة خضر الطعون
بين العظام العوج كنك ناكله
اللي كذا.. حبه لو تموت مغبون
ولا لك الا الصبر وش وداك له
6- هل لك محاولات في كتابه الشعر ؟!!
للاسف لا
7- لك مساحه بلآ حدود وحرية بلا قيود؟؟
استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي
حتى يدي .. ماودّهـا تفـارق يديــــك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفـاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: " لـوازم لاقضـاهـا بيـاتـي "
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عـنـد المماليـك
اكـبــر طموحــــي .. لا .. كـل امنياتـي
شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))
احـاول اذكر .. اي شـيٍ يـطريــك
"واقول هو سوا .. وانـا ذي سواتـي "
كني مـوادع .. كــل شـيٍ حــواليـك
وكني حسبت حساب ((حزة وفاتـي))
امتعنا بقصيدة على ذوقك ؟!!
جتنـي علـى غفـوة عيـونـي تــدقّ الطـبـول
يـامـا لـهـا خافـقـي جـــدّد لـحـونـه وشـــال
البـيـض تـحـت الـسـواد يـطـيّـرنّ الـعـقـول
والسـود فــوق البـيـاض يضيّـعـنّ الـرجـال
وان شرّعـت مـن طرَفهـا صافنـات الخيـول
شفـت الأوادم عـلـى السـكّـة تـجـرّ الـطـوال
وان سلهمـت بأكحـلٍ للنـاس مـثـل الكـحـول
ملعـون ابـو مـن يشوفـه مـا سكـر ثـمّ قــال
وان عاكسـت بالحجـاج المومسـيّ الخجـول
يـا شرهـة الله علـى عمـرٍ يشـوفـه وطــال!
وان قضّت الراس يا دين النبي ويش اقول؟
فيـمـا تشـوفـه عيـونـي صــدق و الا خـيــال
وان هزّت الخصر والارداف عرضٍ وطـول
ما ظـنّ بـه عقبهـا غصـنٍ مـن المـوز مـال
خصـرٍتهيبـل وانـا مـن قـبـل فـيـه مْهـبـول
وزوّد هبـالـي هـبـال وصــرت كـلّـي هـبــال
قالـوا لــي الـمـوت قبـلـه شـربـةٍ بمْعـسـول
واشـوف انـا المـوت لاهـزّ الدقـاق الجـلال
يشـرح علـى الخـدّ قصّـة عنبـرٍ حَــبّ لــول
وبالشامةاللي علـى خـدّه ضـرب لـي مثـال
بيـن النهـد والنهـد مـا شــلّ ســاق الـذلـول
ومـن دون هـاك الجدايـل يقـصـرنّ الحـبـال
يــذوب مـنـه مـعـزولٍ لا قـضَـبـت مْـعــزول
طالـبـك يــا ذا الـنـوال مــن الثـلاثـة نــوال
وان فـاح زاكـي عرَقهـا فــاح شــيٍّ يـهـول
تـعـال يالـعـود الأزرق شـــمّ ريـحــهتـعــال
جمالـهـا ســرٍ أعـجــز مـعـجـزات الـحـلـول
كــلْ مــا لقيـنـا لــهآجـابـة تـجــدّد ســـؤال
لـو مثلهـا معجـزة مــن ربّـنـا مــع رســول
مـامـات حـيٍّ وهـو مــا شــاد لــه بالكـمـال
هـذا جمـالٍ يبـيّـض وجــه مــن لــهيـطـول
ايـه ايـه هــذا الجَـمَـال الـلـي يـهـد الجـبـال
زيــنٍ فـتـنقبـلـي الـلـي يلبـسـن الحـجـول
وش عــاد بيـقـول فـيـه منكّـسـيـنالـعـقـال
زيـنٍ مسحـنـي مــن الدنـيـا ثلاثـيـن حــول
يمكـن خلقـه الولـي شمـسٍ وانـا لـه ظــلال
أشكرك يا برووووق على الاستضافه وان شاء الله ما اكون طولت عليكم
رد مع الإقتباس