إرجـــع ...
السلام عليكم ورحمة الله وبركاته
أتركم مع الجديد ..
اليوم عقب اللي جرالي وسوّيت
وأعطيت قد اللي خذيتهـ دبلات
ماني بحسّب للذي راح والميت
منسي ولكن يطري أحيان لحظات
عرفت وش معنى الخسارهـ وياليت
ياليت لو الشيخ للحين مامات
تجمّعت كل الهموم وتمنّيت
إن للهموم إتصير فترة دعايات
يالغايب اللي في غيابكـ تماديت
إرجع مهي لحية غروب وغيابات
ليتكـ تجي وإتشوف كم جرح خلّيت
وكم ضحكتن من رحت راحت ولاجات
ياللي لليامنّي ذكرتكـ تنحّيت
عن ديرتن فيها لحزني روايات
أتركـ وراي إقصور فيها تربّيت
أمشي وأنا عيني تولّد شرارات
انسى جميع اللي من اجلهـ تعنّيت
متضايقن مهموم وأعيد مافات
تطري علي لحظات وقتهـ تمنّيت
إنّي أعيش ف جو مابهـ بنايات
لجل إني ابكي قد مانا تناسيت
هم القرابهـ بين حزني والآهات
ياصاحبي ياللي من اجلكـ تحدّيت
إظروفي الصعبهـ وجمع الخرافات
مستقبلي بإسمكـ رسمتهـ وضحّيت
في كل ما أملكـ ولو هي عبارات
ليتكـ قريبن وألاقيكـ ياليت
مقسوم مابيني وبينكـ قرابات
ماعمّكـ بعمّي ولا الخال ناديت
ياخال ليتكـ عم وإتشوف الأبيات
لجلكـ رغم قسوة زماني تحلّيت
بالصبر لو تطلع بوجهي مطبّات
قلبي معكـ وإن حال دونكـ عفاريت
مقبل بغيركـ لو تطيح السماوات
وسلامتكم ..
بــــرب
Yv[JJJu >>>
التعديل الأخير تم بواسطة بدر عليان ; 29-09-2009 الساعة 09:21 AM