هالقصيدهـ كل مااقراها تخنقني العبرهـ...!

وحشني شوفه اصحابي وربعي والغلا مستور
أخبي عبرتي لامن ذكرت بيوم جمعتنا

تغير قولتي "ابلهـ" وصرنا نقول يا" دكتور"
نقول القاعه يا دنيا زمان نقول حصتنا

جلست بداخل القاعهـ ذكرت ايامنا بالدور
وضحكن كان يحوينا ولاتكفي شطانتنا

نزعل بعض احيان ولكن ما نعرف نجور
ونرجع من بعد زعلهـ ترجعنا صداقتنا

نحاتي بعضنا دايم ويعجبنا رجل مشهور
سوالفنا عن الموضهـ عن الحب وعلاقتنا

وهذا اليوم قد صارت سنهـ راحت معاها شهور
وافكر كيف هالدنيا خذت منا وناستنا

انا ما بين ناس اغراب وسط قاعهـ مع دكتور
احاول اخنق العبرهـ وانا اذكر كل حكايتنا

سمعت اغنيتن جابت من اقصاها بقايا شعور
يغنيها علي محمد وهي عيال حارتنا

رجا فيها الا يا دنيا الا ليت الزمان يدور
ويرجع وقتنا الاول وننعم في بساطتنا

وانا رديت في بيتن من الخافق ولامكسور
اضحى بالعمر كله لجل ساعهـ بشلتنا

وابيــــع النـــاس والعــــالم وراهـ قبـــور
وكلن راح يمشي لهـ طريق يقول :عيشتنا

انا مابي سوي لحظهـ وعلي الفرقا انا مجبور
نضيق اليوم من يقدر يبدل وضع ضيقتنا

ظلامن دامس موحش انادي فالخفا يا نور
ابي ربعن ليا من طحت عرفت شلون قيمتنا

بساطه في فرح دايم غلا صادق ولهـ سرور
نخطط كيف بالكـذبهـ نضيعها درستنا

تخرجنا نعم ادري وكلن داخلهـ مقهور
فرح لكن مع الفرحهـ دموع تضم حفلتنا

بكينا والبكى فينا ولا لحظهـ ابد مهجور
دموعن حرفها صادق وتعرف كيف وحشتنا

تعرفنا على ناس جديــــدهـ والغلا مستور
ولاحدن يوصل لحبن جمعنا وسط شلتنا...*