منتديات الأماكن - عرض مشاركة واحدة

13-11-2009, 11:17 PM

المشاركة 17

HeleUm

عضو يفوق الوصف



رد: قروبات أم شِـلل ..؟!

يعطيك العافيه خيووو سعد
على هيك موضوع ,, جريء وقوي وعنيف ومرعب ,,

راح أجاوب على الاسئلة ولكن بدون ما آخذها وحده وحده
وبصراحه أكثر ,, راح اتكلم عن القروبات وعن عملها
ولو ان الرد ممكن يخرج شوي عن صلب الموضوع

أول شي :

ودي أقول,, كنا على وشك أنا نشكل قروب خفيف ولزيز وصغير
ولكن صارت فيه عملية اجهاض ورحنا فيها ,,

مانفعت لا ولاده طبيعه للقروب ولا حتى قيصريه ,,
فقلنا لازم يخرج ولو ميت ,, فصار الاجهاض << دكتور الأخ ,,

الهدف من القروب اللي كنا بنسويه ,, هو الاهتمام بالتصميم
والمحاوله قدر الامكان تحريك قسم التصاميم ,,
لانه مافيه أحد يصمم الا قليل جدا ,,
ومن هالشي نشأت فكرة القروب حقنا << سابقا ,,

ثاني شي :

بالنسبة للشلل :
بصراحة تامه ,, المنتدى يعاني من الشلليه الموجوده فيه
وبعض الأحيان تندم انك دخلت بينهم أو حتى حاولت أنك تتعرف عليهم
من التصرفات والردود اللي تشوفها معهم ,, يعني تطنيش في بعض الاحيان
وفي بعض الاحيان ردود فيها غمز ولمز وتصغير عقل ,,
وتشوفها واضحه وقويه جدا جدا في كذا قسم "بدون تصريح" ,,
يعني اذا ماتكون معهم بشلتهم من الاساس والا لا تحاول تدخل بينهم

بالنسبة للقروبات ,,
أنا من أشد المؤيدين لعمل القروبات ,, والعمل الجماعي
وأحب البيئة اللتي تعمل بروح الفريق وتعمل بأكثر من صوت وفكر
وأحب المنافسة وروح التسابق بين المجموعات ,,

ثالث شي : أهم مافي الرد ,,

القروبات اللي أشوفها موجوده بالمنتدى ,, كيف تكونت ؟؟
وايش العامل المشترك بين عناصرها ؟؟ والهدف من وجودها ؟؟
تكونت عن طريق عامل مشترك بين العناصر
والا عن طريق انا اعرفك من زمان وتعرفني يلاا نسوي قروب
والهدف هو تطوير شي معين وجزئية معينه بالمنتدى والتركيز عليها
والا نحوس بالاقسام كلها ولازم نمر على كل ركن بالمنتدى

اذا الهدف هو تطوير المنتدى بصفه عامه ,, فأحكم عليها بالفشل التااااااام ,,
ومن الحين أقول لا تتعبون أنفسكم ,, ولا تضيعون وقتكم ع الفاضي ,,

اللي اعرفه وتعلمته ,, أن القروب أو المجموعه "المتخصصه بالتطوير" ,,
هي مجموعة تسمى مجموعة الطوارئ ,, وتقوم بالعمل في الحالات الطارئة
لو ماشافوا المكان نايم وبدأ الملل والروتين يمشي فيه لما قاموا بهالخطوه
تمااااااما مثل عمل حقنه أو مصل يوضع في مكان محدد ليقوم بتنشيطه واعادة الحياة فيه
تماما مثل الحقن الطبيه ,,
أما أن هالمجموعه تبغى تنشط الجسم كامل ,, وتنشط المنتدى بالكامل
فما أظن انه راح يكتب لها النجاح أبدا ,,

يعني كل قروب تبحث في الشي المشترك بينها
وتبحث في نقاط القوة عندها ,, وتركز عملها في قسم معين لتطوره
واذا شافت انه ماعندها عامل مشترك ,, فالأفضل لها انها تحل هالقروب
وتبدأ تبحث عن عناصر لها عامل مشترك ,, ومو شرط انها تحتكر على الاداره ,,
ممكن واحد يقول وش فايدة المشرفين اللي بالقسم ,, اذا كان الهدف تطوير قسم معين ؟؟
أقول كلامك صحيح ,, اذا كان كل مشرف في المكان الصحيح ,,
كان وقتها ما احتجنا للقروبات ,, ولا احتجنا اصلا لتطوير المنتدى ,,
لان المنتدى وقتها راح يمشي بنسق وطريق صحيح ,,
وكل مشرف يعرف وش يسوي بقسمه

لانه وباختصار ,, القروبات كلهااااااا عباره عن مشرفين ,,!!
يعني شيل هذا من جنبي وحط هذا بداله ,, وش الفايده ؟؟
اذا انت قادر تتعامل مع اللي بقسمك ,, ليه تبحث عن آخر ؟؟
اذا انت شايف شي مشترك بينك وبين اللي معك بالقسم ,, ليه تبحث عن آخر ؟؟
ليه تطور بأقسام غير قسمك ,, وش فايدك تكون مشرف بقسم وجهدك بقسم آخر ؟؟
اذا انت شايف ان القسم اللي انت فيه مو مناسب لأفكارك ,, أطلب تحويلك للقسم
اللي تقدر تعطي فيه ؟؟

آخر شي أقوله ,, مو صحيح أنا نقول عن القروب شله أبدا
لأن القروب يطور ,, والشله تهدم
لأن القروب يبني ,, والشله تدمر

ادري ان ردي بوادي ,, والموضوع بوادي
ولكن حبيت أخلي الموضوع بدل قسم تطوير الاماكن
اللي مانشوفه ,, ولا نقدر نقول اللي نشوفه ,,

تحياتي لك يا باشا ,,

رد مع الإقتباس