احبك حب ماعاشه مجانين الهـوى والشـوق
ولا ساقت روايـات الغـلا مثلـه ولا امثالـه

احبك يامليح القـد ياعالـي النسـب والـذوق
احبك والغـلا فـي داخلـي موثوقـة حبالـه

احبك في خصامك واعشقك في ثورتك والروق
واحبك يوم تجفانـي وتصبـح حالتـي حالـة

احبك في وصالك ياظريف القلب حالي الموق
واحب الحب من حبك واهيم بروعـة اطلالـه

تعال اسأل حنايا خافقي وانشد جسد وعـروق
تعال لمحجر عيونـي وتلقـى الـرد وسؤالـه

خلقك الله تجاذب غرة الحاني رعـد وبـروق
وتسكن غرة سهيـل اليمانـي فـوق مدهالـه

والى شافوك عذالي سكنت الفلك عالـي فـوق
تصيب رقابهم عوجة وترديهـم علـى حثالـة

الى ناظرت غيرك جعل عيني يالغلا بالعـوق
والى ناظرك غيري جعل عينه تبكـي احوالـه

احبك واكتبي ردك على بيت الشعر بطـروق
والى ماجاد شعرك داعبي المجنـون برسالـة