منتديات الأماكن - عرض مشاركة واحدة - أטּـَآ قلبـِ[טּْ] ≈ ξـجِ’ـزْ لـًآ يَفْهَمًـﮧْ إטּْـسَأإأטּْ ..~

02-02-2010, 12:54 PM

المشاركة 80

روح دنيااااي

عضوتربع القمه



رد: أטּـَآ قلبـِ[טּْ] ≈ ξـجِ’ـزْ لـًآ يَفْهَمًـﮧْ إטּْـسَأإأטּْ ..~

الله من قلبٍ مولع ومفتون // مولعه شقر المهار الاصايل

شقراً عليها من صفار الذهب لون // ومخالطٍ لونه بحمر النثايل

يالايمي بالخيل بالهون بالهون // لا يالسنافي كب عنك العذايل

للخيل حبٍ داخل القلب مكنون // احبها من حبها لتخايل

رمز الشجاعه والفخر كان تدرون // اقسم بها الرحمن منشي المخايل

الخيل فيها الخير ثابت ومسنون // وصى بها محمد وديع الرسايل

ومن عرض ما جاء في المثايل يقولون // الخيل عزن للرجال و شكايل

منها كسبنا معرفة كل دندون // اعيال الرجال اللي تشيل الثقايل

الطيب لهل الطيب ثابت ومصيون // وش عاد لو الوقت بالبعد حايل

تكفون يا اهل الخيل تكفون تكفون // لا تقطعون الوصل والشك زايل

عمر الفتى مابين داين ومديون // بين الرجال ولا تضيع الجمايل

من عاشر الطيب رقابه عن الدون // سندبه العليا وروس الطوايل

ومن عاشر الخيب يحده على الهون // ما يسقي الضامي سراب القوايل

ويا لايمي بالخيل بالهون بالهون // هذي الفوايد شاهدة بالدلايل

رد مع الإقتباس