الموضوع
:
حركات للبنات .. في فن المردغه والدفاع عن النفس .. !!
عرض مشاركة واحدة
13-02-2010, 11:14 PM
المشاركة
51
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
رد: حركات للبنات .. في فن المردغه والدفاع عن النفس .. !!
اقتباس المشاركة الأصلية كتبت بواسطة بصيص الأمل
سعد:
انا عتبانه عليك يالكسول ..
وراك توك منزل هالموضوع ليتك نزلته ايام العيد .....!!!
عشان استخدمها ضد ابو الشباب اذا بغيت شي ......
واي شيء اطلبه يقول تم
حركات خطيره للدفاع عن النفس
شكلي بتعلمها كلها وبعلمها فروحتي من الحين عشان توري عيال الجيران اذا طفشوها
كم ركله ويتأدبون ...وبعدها تصير بنتي مشهوره بالحي..
بس اخاف والله كل الخطاب يهجون منها اذا دروا......هههه
اخوي
يسلمك ربي على الدمجات الروعه
حسيت انك فعلا تدور مصلحتنا نحن معشر الرقيقات
شكري
و
تقديري
هلا والله وغلا بأختي
أم الفهد
خخخخخخخ كسول كسول .. صدقتي
هذي منتهين منها
وش فيتس وأنا أخوتس؟! .. انتي اللي جايه متأخره
الموضوع منزله في رمضان .. وقبل العيد بتسمن يوم
بس انتي اللي ما انتبهتي من كثر الاشغال
<< ما وده يقول الشوف شجر
وشكلتس لاهيه تتقضين قبل العيد .. وأبو الشباب كان موافدز
وقايلن تم .. على كل اللي تبغين بدون الحاجه لاستخدام ذا الحركات
<< رحمه وبدا يدافع عنه
اي تعلميها انتي .. عشانها محطوطتن لأخواتنا اللي فيهن حيل للمعافر والمرافس وشل ابوك وحط ابوك
لكن فروحه .. لا تكفين موب من الحين تعلمينها .. تونا بدري موب وقته لها
شرط ما يمديها توصل المتوسط الا طالبتن منكم تشترون لها ونيت
.. وتبدا تشخص بالشماغ ونعال زبيريه أعزكم الله
<< ما وده يقول بتقلب عربجيه
واذا على عيال الجيران .. انتي اللي بتتعبين .. كل يوم بتفرش الفرشه عند الباب وتقعد تطلب شاهي وحب
<< بيصادقونها من الخوف ويبشكون معها
وتقعد هي وياهم يكتبون على جدران الحاره ..
فروحه بنت بصيص والأجر على الله
والا .. فروحه سبب جروحه
<< كاتبها واحد مطقوق منها
وزي ما قلتي بتخوفين الخطاب منها .. عشان كذا خليها نعومه وش حليلها
لين كبرت تمردغ اللي تبي على كيفها
مشكوره أختي على هالطله البهيه .. لا عدمتس وتواجدتس
يسعدتس ربي ويوفقنا وياكم في الدارين
دمتي بود وألف خير
™ تشاوو .. يرحمكم الله
رد مع الإقتباس