مراحب اخوي العطشان
اولا الام ما تنلام .. غصبا عنها لانه لما تشوفها رافضه فانت تشوف مشاعرها وخوفها ما تشوف عقلها

في اعتقادي على حسب نوع العمليه وخطورتها
اذا كانت عمليه بسيطه فاقول هنا انه خوفها صار مبالغ فيه وعلى الاب ان يتجاهل رأيها لانه يتحلى بالحكمه بالمواقف هذي اكثر منها
اما اذا كانت عمليه خطيره فهنا بصراحه لازم تقدر مشاعرها

ما اخفيك اني تعرضت للموقف هذا مع بنتي ..
كان ابوها مسافر تبع عمله وتعبت علي وبحكم اني بمدينه بعيد عن اهلي اضطريت اني اكون صاحبة القرار والمسؤليه
وكانوا يبون عينه من النخاع ..انا رفضت ... طنشوني وخلوني اتصل على زوجي واتصلت وعلى بالي بيأيدني بالرأي بس تفاجأت انه وافق لهم ... بس بصراحه ما اخفيك كنت أردى من زوجة صديقك واصريت على رفضي ..
والحمد لله اني اصريت على رأيي لاني طلعت على صح وهم على غلط


يمكن يكون رأيي سلبي بالموضوع .. وادري انه على خطأ .. لكن صدقني مشاعر الام تطغى بقوه في هذي الاوقات.. ولا هو معناته انه الاب لا يشعر... لا بالعكس بس الرجل يبقى اولا واخيرا اقوى من المرأه في كل شي حتى في مشاعره

يعطيك العافيه وتسلم ايدينك