منتديات الأماكن - عرض مشاركة واحدة - { لعبة الرجل المفضلة } ؟

21-03-2010, 09:29 PM

المشاركة 2

¸.خَوْاطِر إِمَارَاتِيْه.¸



رد: { لعبة الرجل المفضلة } ؟

وعليكم السلام ورحمة الله وبركاته
مساك الله بالخير يا حضرة المعلم الفاضل
هالمره بتكلم عامي
لرغبتي بهذا الشي
والعذر منك لاني تحدثت بهاذي اللغه اللي
يمكن ما تحبها
بكل صراحه لفت نظري العنوان وايد
ما انكر ان الفضول وصلني الى اني
ادخل الموضوع
و يا ليتني ما جازفت
يوم قريت النص صدق ارتسمت على
ملامحي ابتسامه مع قدر كبير من الخجل
واحترت شو اقول
ولين الحينه محتاره
مطلوب من المراه الاتي ذكره

-انها تكون زوجه سوبر ستار ^_^_^_^
-انها تكون ربة بيت مميزه
-انها تكون الصدر الحنون
-انها تكون مربية اجيال فاضله
-انها تكون مضحيه
-انها تكون عامله عشان تساعد زوجها ويبنون بيتهم طوبه طوبه على قولت اخوانا المصريين
-انها تكون رهن امر زوجها
-انها تحقق له رغباته
-انها ادور راحته
-انها تسمع وتنفذ

كله هذا اللي تسويه الزوجه واكثر بعد والرجل الخليجي ما يكفيه
يعني مطلوب انها تذبح عمرها عشان يستريح
^_^_^_^
(انتابتني موجه من الضحك على ما قد قيل مسبقا)

الله يعين الزوجه اشهد ان مثواها الجنه

مثل ما الزوج يبي بعد الزوجه تبي
الاشياء التاليه

-يقدر
-يتعلم الرومانسيه اللي ما يجيدها الرجل الخليجي بتاتا
-يضحي
-يهتم بالمناسبات الشخصيه
-يتفهم لغة الهدايا
-يحتوي المراه
-يتفهم مشاعرها
-يهتم بتحقيق متطلباتها
-يحقق السعاده لها والطمأنينه
-يتعلم ان يعطي اكثر من ان ياخذ

اشياء وايده تبيها الزوجه بس الزوج
ما يلتفت لها
اهم شي نفسه وبس

للامانه حبيت اني اكتب بهذا الاسلوب اللي يوحي بالدعابه
والمقصد منه نغزه اتمنى انها تكون حققت المراد

بس صراحه العنوان مازال
ملفت للنظر
وقوي نوعا ما

الله يستر منك يا كحيلان
ومن مواضيعك الجايه
لك احترامي النابع من
خجل انثى
راقيه في حضورها

رد مع الإقتباس