يـا حـــــبيـبـي مطّـول الـوقـت بـغيـابـك
مـادريــت ان الهــــنا حــــزن مــن دونــك
عـاتـب الأيـــــــام وتـــحـــس بـعــتـابـك
واجـــرح الأشـــواق وتسيـــل من لونــك
الأمـــل يــاورد مـغــــروس بـتــرابـــــك
يسـتـعيـر الصــبـر ويطـمّـن شـــجـــونـك
مـا تغــيـر قـســـوة فـراقـك احـــبـابـك
المـشـاعر تقهـر الصـــعــب وتـصـــــونـك
لا تـحـاول تـجـرح الـخــــد بـاهــــــدابـك
يسـتجيــر الظـلـم فـي رحمـة عيــــونـك
الــمـحـــبـه دارك ودربــــهـــا بـــابـــــك
وانـت حـتــى حـــاســديـنـك.. يحبـــونــك
يـا حبيبـي واغـتـرابـي مـن اســــبـابـك
قـــــلت ابـخـفـي ونــةٍ تـجـرح سكــونـك






اســــتاذنك..بغيـب غيــبه طـويــــلـه
واحمـل معـي جـرحي تداويــه الايـام
تبـقـى ويبـقـى الحـب ذكرى جميــله
وشـــلون بنســـــاهـا وانـا كلــي الآم
وتبـقى عـلاقتــــنا النبـــيـله نبــــيــله
لـو الـفــرح بعـيــــون الآمــــال مـا دام
يـأسـت من رحـمـة عيـــــون وجديـله
وداع يـاليــل السـهــر.. حـلمــــنا نــام
الــود مـاغـــــذا نفــــــوس عــليـــــله
عـاشت مـشاعـرهـا بلا وصـل واحـلام
كـان الـهوى غـايـه وكـان الوسيــــــله
بـس الحقـيـقـه كانت اوهـام باوهـــام
استاذنك..ياعـشــرة الحـــزن ليــــــله
برحل مـع جروحـي بلا دمـع وخصــام







ما أنكـــر انــــك كـــل شـــي ٍ بدنيــاي
يصبح جمال الكـــــــــون بعدك بشاعه
وان الهجر لو كـان لـــو كـــان برضــــاي
ما فـــارقــك يا حـلـم الأيــام ســـاعــه
خــــيرتنـــي مـــابيـــن حبي ومبــداي
واخترت بعدك يالحبيب بقنـــــــــــــاعه
احرجتني واحرجت في دربك خطـــاي
وخذلت شوق ٍعانقك في وداعــــــــــه
هجري مصيرك مثل ماوصلك منـــــاي
عن شوفة احساسـك يكفي ســماعه
يغنيني الماضي عن الشوق للــــجاي
واحــلــم اعــيش بســيــرته وانطباعـه
ذكـــراك بالدنيـــا وهــي كـــل ذكــراي
والـعمــر يصبـح في ضـياعـك ضيــاعـه







انا انا .. وانـــا حبـــيــبك خــذلـــتــــك
لا تنتظر من باقي النــاس يـــوفـــــون
حسيت باحساسـك وانا ما ســــألتك
نظــرة عـيـونــك حـيـــرةٍ مـالـهـا لــون
ياعـايـش ٍ في داخـــلي لــوجـــهلتك
الصمت لو عذّبك .. تعذيـبه ظــــــــنون
لـو اعـتـرفـلـك بالــحـقيــقه عـــذلتـك
كيف اعذلك .. وكـذب اللـي يعـــــذلون
رثيــــت نفســـي يالحـبيب وقتـــلـتك
شيــعت حلـم ٍ بارض الاحزان مــدفون
عشــتك عـذاب وبالفــرح ما قـبلـتــك
عذري من عيونك معانات وشجــــــون
عن الجفا بعيون الاحساس شلتــــك
ارحل وترحل وانت في كوني الكـــون
لو الدروب اشواق روحي وصــــــلتك
ولو السراب احلام صدقتـه عــيــــــون
هـذا زمــان العــذل ياللـي خـذلــتــك
جرح ٍ يهان وجـــرح لو هـنتـه تهـــــون






بـكـا السحـاب فــــراق الاحبــاب.. لاعـــاد
دمـع الـسـمـا جــرّح خـدود الـليــــالـي
والحـــزن كـحّـل نـاظـر الـوقت بـحـــــــداد
واخـذ يـعـزيـنـي شــــــعـورٍ بـقـــــالـي
الـبعـد موت الـلي عـلى الـوصـل معتـــاد
قـسـوة عـذابـه فـوق كـل احتـــمـالـي
الـبـــعـد مــوت الـــود .. لـو بـعـــــده وداد
كل الـوجـيـه تـذوب فـي وجـه غـالـــي
ابـنتـظـر في مـوطــــــن الـحـزن ميـعـــاد
واحـلـم ولـو بعـض الامـانـي تســـالـي
عمـري معه ما ضـاع .. عمـري معــــه زاد
مـا يـدري انـه فـي خـيـالي خـيــــالـي
مـا لـلـــهـوى عـنـدي نهــــايـة ومـيـــــلاد
نبـض الـحيــاه الحـب .. روح اللـيـــالـي