الموضوع: هل أنتهى زمن المرأة ؟
عرض مشاركة واحدة
قديم 05-07-2010, 12:54 PM
المشاركة 3
الصورة الرمزية نفحة العود
نفحة العود
عضو صافح الغيم
  • غير متواجد
رد: هل أنتهى زمن المرأة ؟
مراحب أخوي عذاب
الخادمات شر لا بد منه - على قولتهم (( يامن جاب له من حلاله عله ))
اذا كانت المرأه موظفه (( وكلامي لغير الموظفه ايضا )) - وعندها زوج وابناء وبيت - تكثر المسؤليه عليها وترهقها
وما يكون عندها الوقت الكافي علشان تعطي الكل حقه
تضطر تجيب الخادمه علشان تخفف عنها شوي
بس الصراحه بعضهم خلاص لما تجيب الخادمه تشيل يدها من مسؤولية زوجها وعيالها وبيتها تماما
وللاسف ها النوعيات كثيره
لكن مو كل النساء تترك المسؤليه كامله
العيال والطبخ هذي احسها مسؤولية المرأه نفسها
واما الخادمه لامور التنظيف مع اشراف صاحبة المنزل عليها
حقيقة من كثر ما نسمع عن قصص الخادمات وبلاويهم اللي في تزايد مستمر نفكر الف مره قبل نجيبهم
عني بصراحه ما اترك عيالي عندها ابد -عندي طلعه عندي روحه او اي شي ان قدرت اخليهم عند اختي كان بها ما قدرت اللي يبيني انا وعيالي ولا مو لازم اطلع
وبصراحه ما اشتهي مطاريسهم بالطبخ

كلامك اخوي صحيح للاسف على كثير من الحالات اللي اتمنى فعلا واطلب من ربي انهم ينتبهون لانفسهم قبل لا يقع الفاس بالراس

وياليت لو كان عندنا نظام معترف فيه لتأجير عاملات منزل باليوميه
كان النظام هذا يساعدنا كثيرفي التخلي عنهم
نصير نجيبهم 3 مرات بالاسبوع او عند الحاجه فقط
واعتقد التطور الحين ما خلى شي
فغسالة الصحون والمكانس المطوره
وكذلك غسالة الملابس اللي بس نحط فيها الملابس ونشغلها وهي تقوم بكل شي
فما اعتقد انه فيه صعوبه الا لمن تعود الكسل
واما البيوت الكبيره فما تعلموا مبدأ التعاون وكل شخص يساهم في نظافة المنزل كان بنت او ولد
وهذا عيب من عيوب بيوتنا الخليجيه على حد سواء

بصراحه اهني العائله الامريكيه اللي عددهم 18 وفي منزل كبير وبدون خادمه !!
اتمنى نصير مثلهم



ونقول يا اخوي لا ان شاء الله ما انتهى العصر القديم - جيل البنات الحين بدا يفتح عيونه عن بلاوي الخادمات واتمنى انه الجميع يعيها وينفذها - مو بس يعيها ويستسلم لمقولة لا غنى لنا عنهم

رساله اقولها لنفسي قبل ان اقولها لاي امرأه
انا صاحبة المنزل وهذا عالمي ما ارضى ان تشاركني او اتنازل فيه بصوره غبيه لخادمه





يعطيك العافيه

دع الأيام تــــفعـل مـا تشـاء وطب نفساً إذا حكم القضاء
ولا تجزع لحادثـه الـلـيـالـي فــما لحـوادث الــدنيـا بــقـاء
وكن رجلاً عن الأهوال جلداً وشيمتك السماحة والوفـاء
وأن كثرت عيوبك في البرايا وسـرك يـكـون لــهـا غــطـاء
تـستـر بالسخاء فـكـل عـيـبٍ يـغـطـيـه كــمـا قـيـل السخـاء