الموضوع: ●•...{ ليَهِ الْفَرحْ دآيمْ لأيْامَيْ يَتحْآشَى }...•●
عرض مشاركة واحدة
قديم 19-07-2010, 02:16 AM
المشاركة 67
الصورة الرمزية ••{ ms.kho5a }••
••{ ms.kho5a }••
عضو عذب التواجد
  • غير متواجد
رد: ●•...{ ليَهِ الْفَرحْ دآيمْ لأيْامَيْ يَتحْآشَى }...•●


يارب الهمني صبرا يارب

عمتي في عمر الزهور كما يقولون


بقول لكم قصتها بكتب هنا عن معاناتها يمكن

اقدر اعبر عن شي من الاحساس اللي داخلي

قلبي ينعصر ويتفطر
عندي عمه في عمر الثلاثين قبل 6 سنوات تقريبا

جاتها اعراض غريبه ودايم المستشفى يقولون التهاب في الاذن

لكن مع الوقت تم اكتشاف "ورم سرطاني خبيث في الدماغ"
انصدمنا وانفجعت قلوبنا لكن تمسكنا بالدعاء

قرر الدكتور ان لازمها عملية استأصال ورم في اسرع وقت ممكن

لأن الورم ينمو بشكل سريع ويضغط على اعصاب العين

وممكن يتسبب في عمى دائم لاسمح الله

تم شرح الوضع كامل قال الدكتور

العمليه ضروريه جدا لكن الصدمه

انها غير مضمون نجاحها احتمال تصاب بشلل تام او عمى او شلل نصفي او عدم نطق ووو الخ

والمصيبه ان العمليه ضرووووريه لازم لازم تصير العمليه

اتكلنا على من لايخيب من يرجوه
وعملوا لها العمليه في عام 1426 هـ

وتم كل شي بنجاح والحمدلله بدوون اعراض جانبيه وصارت في اتم صحه وعافيه

لكن قالوا لازمها علاج اشعاعي "كيماوي"

وتم ارسالها للمستشفى التخصصي في الرياض

والحمدلله خلصت العلاج الكيماوي بسرعه وبدون اي اعراض ثانيه

وعاشت 6 سنوات بدون اي مشاكل حياة طبيعيه جدا

ولكن الفاجعه ان في شهر شعبان عام 1430
رجعت لها نفس الاعراض اللي عانت منها في البدايه وتم الكشف لنسمع بالطامة

ان الورم رجع ظهر من جديد وينمو بشكل سريييييع جدا لدرجة انهم
قرروا استأصاله في شهر رمضان شهر واحد من اكتشفوا الورم إلى ان استأصلوه

قالوا لازم لازم العمليه لأن الورم ينمو ينمو ينمو بشكل خطر

وتمت العمليه في شهر رمضان والحمدلله طلعت من العمليه لكن مو هنا نهاية المصايب

بعد اسبوع يمكن من العمليه ظهرت لها اعراض جديده وغريبه مثلا صارت ماتحرك يدها وتنفخ غريييب في وجهها

وكلام المستشفى واحد هذا بسبب العمليه

وقرروا يعطوها الكيماوي على شكل اقراص حبوب وبدو يعطوها الكيماوي في شهر ذي الحجه

وقالوا اقصى مده 6 شهور وفي شهر محرم صارت حالتها صعبه وكانت من اصعب الايام اللي مرت

علينا صارت ماتقوم الا لازم احنا نقومها ونوقفها لازم نساعدها لأنها تقوم ويدها ماتحركها وحالتها صعب

وكل هذا بسبب الحبوب الكيماوي وبدت تتسحن حالتها من شهر صفر إلى بداية شهر رجب قالوا ان خلاص ماراح يعطوها كيماوي انتهت مدته

وباقي اشعه تحدد


المصيبه الطامه الفاجعه

الورم لازال يكبر ولا يستطيعوا السيطره عليه

وليس لديهم علاج لها <<<هذا كلام المستشفى

صارت عاجزه عن الحركه والكلام وحتى الاكل

وصلوا لها انبوب تغذيه من خاصرتها للمعده نعطيها الغذاء حليبمن المستشفى

عن طريق الانبوب

وهي الآن في المستشفى ء يقولون احتمال يسوون عمليه جديده ثالثه لأن الورم يكبر ويكبر

ومايقدروا يعطوها اي علاج وكل اللي فيها بسبب الورم


حالتنا مايعلم فيها الا ربي

امها خواتها اخوانها كلنا كلنا عاجزين تجاهها مالنا الا رب العالمين ندعوه ونرجوه
هذي من اصعب ايام حياتنا اللي تمر علينا حتى الدموع مو قادره تنزل
احس بالضعف والانكسار كل ما اشوفها

كيف اني كنت اشوفها تمشي وتتكلم وتضحك وتتحرك والحين اشزفها عاجزه ياربي ياربي


الهمني صبرا ياربي


دعائكم لها بالشفاء

♣ يحسبونے أنے المشاξـر تسليہ ولعبہ ورقے ♠