الموضوع: صرف رواتب للعاطلين والعاطلات ابتداء من 25 رمضان!
عرض مشاركة واحدة
قديم 25-08-2010, 03:29 AM
المشاركة 16
الصورة الرمزية زائره
زائره
Guest
رد: صرف رواتب للعاطلين والعاطلات ابتداء من 25 رمضان!
. . .

نستلم لجين .. راعية طويله

بأذن الله مو اشاعه..
بعدين دول الخليج الباقيه شنو احسن منا فيه كلنا
مثل بعضنا..
نبي حقوق حالنا حالهم..بعد اهما يستلمون
وحنا نبي نستلم...
ليش مايكون الحال مثل بعضه..
يكفي هما ايجارات مايدفعون وكل شي عالحكومه
وحنا اللي بدينا كل شي وعندنا مؤهلات افضل منهم
كل شي على ظهورنا...
بعدين يالغاليه..
ليش تقولين ماتوكل عيش...
خليها تجي بالاول ثم يصير خير صدقيني تنفع
احسن من ولا شي باليدين..
ثم يصير خير وبأذن الله تكون افضل من كذا..
بأذن الله ماتكون اشاعه ومثل ماترفعت الرواتب
وكان الخبر صحيح ..
يكون خبر معاشات للعاطلين صحيح ويزيد بعد..
بس نتفائل وماراح نخسر شي..
شوي شوي وباذن الله تنحل مشاكلنا وبعد
اتمنى يشوفون حل لمشكله العاطلين ويتوضفون..
ربك يعين..
وبأذن الله يكون الحال افضل..
مشكوره يالغاليه وماتقصرين عالخبر..
تقديري واحترامي لك..
اختك...




والله حكوماتهم مدلعتهم
بعدين هم ميزانيتهم اعلى منا !
السعوديه مساحتها اكبر وسكانها اكثر !
الله يسمع منك ان شالله ونقول برضو ألف
نعمه وهي احسن من ولاشي !
شاكره لك التواجد والتفاعل
يعطيك العافيه