الموضوع: صفحتي .. ثرثرة وضحكة وهمسة !!
عرض مشاركة واحدة
قديم 24-07-2011, 10:02 PM
المشاركة 265
الصورة الرمزية ][ سعد الرجه ][

عضو له مكانه في قلوبنا

  • غير متواجد
يا ذا التوبيكات .. !!


مدري وش يحس فيه الواحد منا .. إذا جا يغير توبيكه في المسن؟!

أكيد .. أنواع اللخبطيشن .. والحتسه في المخ .. عشان يرسي له على توبيك

يمكن نلقى شي يشبه الحاله .. وخبركم أغلبنا نفسيات خخخخخخخخخ

ويمكن يحط له توبيك ما لأمه داعي .. أو حتى ما لعائلته دخل في حالة راعيك انت يالتوبيك

يعني في النهايه .. هي مسكات .. اللي يخش مزاجك حطه


بس .. أحيانا .. زي محاتسيكم .. يجيب العيد بسبة توبيك مسوي يستخف دمه .. والعواقب وخيمه .. مدري و مخيم كامل



قدر الله علي مره .. واخترت لي توبيك .. على بالي أمزح مع ذا اللي مضافين عندي من كثرهم عاد
كلهم على بعض ما ينعدون على الاصابع .. ونادر نتصادف .. خصوصا إني أبطي ما دخلت

ذا التوبيك .. جاب العيد صدز


عزيزي الهكر بما انك تااااكي في جهازي اجيبلك مركا مثلاُ؟!

أنا قلت مزحه والسلام .. على بالي فيه ناس قد المزح .. طلعوا بعضهم صحيّحين .. دخلهم الماء .. وصدقوا وعطوني بلوك خخخخخخخخ

بس هين اللي عطوني بلك .. إذا ما أحط قدامهم ردميه بكبرها .. والا عقم كله حصى

اللي مشككين شوي .. بدوا يسألون وش يسوي ذا الهكر عندك؟ .. وإلا .. تسيف عرفت إن فيه هكر قالطن في جهازك؟!
وأنواااااااع التحقيق

وفيه ناس .. أجهزتهم دجه مثلي .. ما فيها شي يخافون عليه .. فما أثر فيهم .. شكلهم بيعزمون الهكر دوريه


عاد يوم شفت الدعوى ما تخارج .. قمت غيرته بالتالي :


لا ضاق صدركـ وامتلى عقلكـ هموم .. [ صب القهوه ] وهايط على اللي قبالك

وبرضو ما نفع .. يعني ما خلصوا من الهكر .. على بالهم إني بهايط عليهم <<بلاهم عارفين


والحين غيرت إلى تسذا :



الحياة مليئة بالصخور لا تتعثر بها ... بل إجمعها وإفلق بها منهو دابلن تسبدك

يعني ببساطه .. مجمعن حصى للترجيم .. وتسمن جبهه بتروح فيها هع



يالله ركزوا في اختياراتكم .. وضبطوا توبيكاتكم .. ولا تطيح كبكاتكم
وانتبهوا لكل أبو حقاتكم










™ تشاوو .. يرحمكم الله