..خــــــــســــــــــرتـــــــيـــــــــــنــــ ــــــــــي..
انا ماشفت نفسي يوم اني منخلق من طين *
* ولو اسمي وصل عالي بظل اللي عرفتيني *
* ولكن للاسف هانت ليالينا بغمظة عين *
* وعلى الفرقا اسبابك ,, نعم انتي جبرتيني*
* توصيني بطعناتي وبعد ماتنزف السكين *
*وقبل لا الفظ انفاسي على نفسي توصيني *
* دخيلك قلبي الوافي لا تخلينه ولاتطرين*
* وراس اللي تحبينه تصدي عن مدى عيني *
* وصلتي حق نهاياتي وش اللي بقى بتنهين *
*على مااظن مابقى ولا حاجه تحس فيني *
* مدام انك تحبيني وبنفس الوقت ماتوفين *
* او انك وفيتي له وبنفس الوقت خنتيني *
* وش اللي بس تحسينه اذا كنتي تحسين *
*تحبيني وتحبينه ,,,تحبينه وتحبيني *
*حظنتي قلبي ونمتي وعلى صوتي انا تصحين *
*ولامنك تمللتي تحظنينه وتنسيني *
* محال يصير في الدنيا بشر في داخله قلبين *
* تبينه بقلب وفي قلبك بعد قلب يناديني *
* انا ماابيك لو انك على الفرقا تبكين *
* صعب ارضى بنزواتك ولو حتى بغيتيني*
* ثلاث سنين او اربع وكاد فيها سنين *
* بعد هذا العمر كله على ايامي صدمتيني *
* بعد لاتنطقين بكلمه رجيتك اسكتي تكفين *
*اخاف انك ان تكلمتي خطا باسمه تسميني *
* واذا مره ذكرتيني مع الايام ابي تنسين *
* وابقا لك مثل ذكرى جميله لاذكرتيني *
* كثير اللي يتمنونك واكيد انك تبين تلقين *
* وانسى يوم ماانتي تمنيتي ولقيتي *
* انا وش جابني لدربك ,, انا وين وغرامك وين *
* انا اكبر عيوبك وعيبك انك ماعرفتيني *
* انسي انك ذبحتيني وامانه ادفني السكين *
* وعلى قبري بدال اسمي ابي كلمة ...(خسرتينــــــــــي)
تحياتي
المستشار
>>oJJJJJJJJsJJJJJJJJJJvjJJJJJJJdJJJJJJJJJJJkJJJJ JJJJJJJJJJd>>