نسولف كنه في هـ العمر ما به شي يعنينـا
ونضحك كن ما للحزن طاري في دواخلنا

قصيرة هـ الدروب اللي لدرب الحزن تهدينـا
طويلة هـ الدروب اللي على الفرحـة توصلنـا

يغيبون الحبايب ونتساقـط فـي مآسينـا
يغيبون ويغيب العمر نذكرهم ونهملنا

ندوّر عن فرح زايف أمل كاذب يواسينا
نحاول نغرق أكثر لجل ننسى في مشاغلنا

نعيش أغـراب فالدنيـا ونستوطـن منافينـا
نخلق الحلم من لا حلـم ونخليـه يقتلنـا

ونضحك كن في ه العمر ما به شي يعنينا
نسولف كن ما للحزن طعنة في دواخلنا