شباب السعوديه .. والنظره الدونيه ..
صباحـ / مسا ــئكم ورد ..
لي فترهـ لم اطرح موضوع بهذا القسم .. واليوم دار حوار بيني وبين صديقهـ لي
من الكويت عن شباب السعوديه والفرق بينهم وبين شباب الكويت ..
صراحهـ النقاش استفزني لأبعد الحدود ..
قبل سرد الحوار ,, بتكلم عن نبذه عنها .. هي سعوديه في الأصل .. لكن
من انولدت وهي بالكويت ومارجعت الا من سنوات بسيطه ..
نرجع للحوار اللي دار بيني وبينها ,,
بداية الحوار قالت لي : يقولون اخواني ( اخوانها ) في نهاية هالشهر بيسووقون البنات ..
صج ولالا ؟
قلت : من زمان يرددون هالكلام بس إن شاء الله مايسووقون
قالت : انا في السعوديه مااسوق !
قلت : وليش في السعوديه ماتسوقين ؟! ( كنت متوقعه ان كلامها وراه شي )
قالت : واللي يرحم والديك معك اهلك وعيونهم يمين وشمال وشلون هالمره سياره وبالطريق وبروحك؟
قلت : ولا شباب الكويت شمسوين ! لا تقولين مايطالعون .. الشر هنا وهناك ..
قالت : والله عاد روحي واذا احد كلمك قابليني
الى هنا واتوقف عن إكمال المحادثه ..
برأيكمـ دون تحيز اي شخص لديرته .. هل شباب السعوديه بهذه النظره الدونيه
لدى الخليج !!
اتكلم عن شباب السعوديه خصوصآ ومقارنه بشباب دول الخليج وخاصه الكويت ..
هل هذه النظره صحيحه ؟!
انا بصراحه خرجت من إطار الموضوع وكنت متنرفزه .. لقيت نفسي اكتب هالموضوع
من دون اي تنسيق للموضوع ..
لاتحرموني من ردودكم ..
,
عذووبه
afhf hgsu,]di >> ,hgk/vi hg],kdi