الموضوع: ( _~ عذرا بنات الرياض~ _ )
عرض مشاركة واحدة
قديم 17-05-2006, 11:00 PM
المشاركة 7
الصورة الرمزية ... غ ...
... غ ...
عضو عطرنا بِــشذاه
  • غير متواجد
السلام عليكم ورحمة الله وبركاته

في البداية أحب أقول إنه انا قريت رواية بنات الرياض بس عشان أشوف اش اللي أثار دي الفوضى

والين قبل ما اقراها كنت فاهمة الحكاية غلط

ليه الكلام دا كله ؟؟؟

هيا غلطتها الوحيييييدة كانت في اسم الرواية فقط لا غير

وألا الرواية عادية جدا جدا جدا في نظري

هناك روايات أخص من كدا وأجرا

مشكلتها انها عممت بشكل غريب

وانها خصصت برضه بشكل غريب

وبس

والا الرواية ولا شيء قدام روايات كاتبة سعودية ما أبغى اذكر اسمها

لكن هادي الروائية السعودية حازت على جوائز كثيرة جدا رغم انها تستخدم أحيانا ألفاظ غير لائقة

وغير كدا تتكلم بجراءة أكتر من كدا ولا أحد ما هاجمها

ايش السبب اللي هاجم رجاء الصانع ؟؟؟

أولا رجاء الصانع كاتبة متميزة جدا جدا جدا

ومن أروع الأقلام السعودية ومن جد روايتها إبداع هدا غير أسلوبها الذكي في لفت الانتباه

للمعلومية رجاء الصانع طلعت واحدة من ثلاثين أشهر امرأة سعودية

وهيا كانت أصغر وحدة فيهم سنا وغير كدا من ناحية سبب الشهرة

عمل واحد بس شهرها لدرجة أثارت فوضى كبيرة إلى الآن لازلنا نسمع صداها

الرواية عبارة عن ايش ؟؟؟

شيء طبيعي بيحصل في مجتمعنا وبكثرة وبأفظع من كدا

لا نستهبل ولا له داعي نعمل نفسنا ماندري

كلنا بنخرج ونطلع ونخالط أشخاص مختلفين

فيهم الطيب والبطال

لما نسافر ما بنشوف سعوديين بيسكروا ؟؟؟

هنا ما نسمع انه الهيئة مسكت مجموع مهربين خمر ؟؟؟

اذن الكلام صحيح مية بالمية انه في ناس تسكر

الهيئئة ما قد مسكت بنات لابسين تياب ؟؟؟

منتوا مصدقين ؟؟؟

انا مستعدة دحين احطلكم مقطع فيديو لبنات لابسين تياب وماشيين في الشارع

اش كمان ضايقكم ؟؟؟

حكاية النجدي اللي ما اتزوج وحدة ماهي قبيلية ؟؟؟

والله تصير وتصير وتصير

الحجازي اللي اتزوج صحبته ؟؟؟

مافي ولد حجازي الا ويتزوج حبيبته

غيره ؟؟؟ اش زعلكم ؟؟؟

أدري اني خرجت عن الموضوع

بس هادي الأذكار والمواعظ والخطب والمحاضرات والكلام كان المفروض من زمان يكون موجودج

وبكثافة

بناتنا ضاعوا

مو بس بنات الرياض

الا بنات السعودية وبنات المسلمين بشكل عام

ماله داعي تطلع وحدة وتشهر حكاية البنات عشان نبدأ نشتغل

ونوعظ

ونعلم بناتنا الصح من الغلط

لازم ذكر الله من هما صغار يتعودوا عليه

عموما عذرا للإطالة بس الله يهدي الجميع

وياريت الكل يحاول قد ما يقدر ينشر أي شيء

قال صلى الله عليه وسلم ((بلغوا عني ولو آية))

ودحين الطرق مفتوحة من منتديات لايميلات لمسجات

مليون ومليون طريقة تقدروا تنصحوا بيها الناس

والدال على الخير كفاعله


إذا أعجبك موضوع من مواضيعي فلا تقل شكـراً ... بل قل الآتـي ::
اللهم اغفر لها ولوالديها ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن..