بحـــة الشـوووق

طرحا مميزا تشكريـن عليـه

فعــلا موضــوع سرقه الحقوق الفكرية للغيــر أصبح موجود بشكــل كبير في المنتديــات..

وأصحاب النفوس الضعيفة اللي ينسبون أفكار غيرهم لأنفسهم ويلقون شكر وعرفان على سرقتهم لأفكار غيرهم موجودين..

لكــن أنا أتوقع إن ما فيه حماية فعليـه للحقوق في المنتديات لان الإنسان إذا ما ردع نفسه من داخلـه عن هالافعال صعب تقدرين تقنعينه بأنه غلطان لأنه راح يقول كل المنتديات ماشيه بالطريقة هاذي وأنا مو أول شخــص أسوي "كوبـي - بست" للمواضيع ولا اكتب منقول تحتها..

أنا صحيـح إني عمري ما شاركت في أي منتدى مشاركه فعليه اطرح فيها أفكاري لأني خايفة من هالمشكلـه تصادفنـي لان لما تنتشر الخاطرة لأكثر من منتدى راح يفقد صاحبها الحقيقي الحق فيها وكل شخـص راح ينسبهـا لنفسـه فبالتالي راح يضيع حقي في ما خطته يدي وعبر عنه قلمي..
..
و مو شرط إنها تنسرق بس إذا نزلتيها في المنتديات حتى من الأشخاص اللي تعرفينهم..
يعنـي أنا أول خاطره كتبتها كنت محتاجه رأي الناس اللي حولي فيها لأنها بداياتي و خليت صديقاتي يقرونها و عجبتهم وبعد فترة قالتلي وحده منهم أنها نزلتها باسمها في منتدى وقالت لأهلها أنها هي اللي كاتبتها..
فعلا انصدمت منها و علشان كـذا أنا متخوفة إني انزل شي لي في أي منتدى أو اخلي احد يطلع عليه لأني فعلا أكون تعبانه على كتاباتي وإذا الناس اللي حولي سرقوني فما بالك باللي ما يعرفوني..
..

وبالنسبة لصورة الردود اللي حاطتهـا في الموضوع أنا أتوقع أن أي كلمة شكر توجه لي على موضوع أنا كاتبته حتى وان كانت قصيرة راح يكون لها الأثر الكبير في نفسي وما انتظر من الشخص صفحه مكلله بآيات من الشكر والعرفان على مواضيعي وبعديـن هاذي لغتنا و مفرداتنا اللي تعبر عن الشكر اللي حنا معتادين عليها.. بس إذا أنتي تقصدين إن اللي يرد على الموضوع يكتب رائه الخاص في الموضوع أنا أعتقد إن فيه ناس ما تعرف تعبر عن اللي في خاطرها فتكون كلمة شكرا على الموضوع الحل الوحيد لها..

عزيزتــي فعــلا لفتـه رائعـة منك لمناقشه الموضوع الخطيــر اللي أتمنــى إن كل شخص يقراه يطبقه ويعرف إن السرقة لها عقـاب عند رب العالميـن حـتـى وان كانت سرقـة كلام..


قطـرات النـدى