الموضوع: نظرة المجتمع السعودي لـ الطبيبهـ ..!!
عرض مشاركة واحدة
قديم 04-03-2008, 07:09 AM
المشاركة 10
الصورة الرمزية تؤبر تسبدي

عضو له مكانه في قلوبنا

  • غير متواجد
اقتباس المشاركة الأصلية كتبت بواسطة عازفة اوتار الحزن
اي والله انك جبتيها على الجرح
مادري وش فيهم حاقرين الدكتوره
والا من شين الطبايع اذا قلت ليه ما تبغون الدكتوره قالوا لا عرضه للفساد والاختلاط
الله اكبررررررررررررررررررررررررررررر
الحين نزلة الاسواق هذا ماهوب اختلاط؟

والدكتورات على الاقل مهنتهن شريفه وكل شغلها قدام العالم مافيه خلوه باحد

وترى اللي يبي الفساد يلقاه وهو ببيته
الشيطان شاطر ويجيبها من اي مكان

والحمد لله كل جيل عن جيل تبدا تتغير نظرته عن الدكتوره وصار فيه بنات يدخلون الطب بسبب نظرة اهلهم فيهم وعدم اهتمامهم للافكار هذي

والله داخلي شي كبير ودي اقوله بس مهما قلت ماعندك احد
هالاوادم اذن من طين واذن من عجين لايوحون ولا يسمعون
والافكار هذي مترسبه بعقولهم مافيه امل تروح

الله يعين ويقدم اللي فيه الخير للجميع

تقبلي مرور وتعصبي للموضوع


أختك((عازفة أوتار الحزن





هلابك اختي عازفة شدني كلامك كثير قلت لازم ارد

وهي وجهة نظر بس لية قارنتي طلعة السوق بالدكتورة

وليش قلتي على الاقل الدكتور مافية خلوة وشقصدك بشريفة

الي تطلع لسوق موشريفة يعني مافهمت وشدخل ذي بذي

ومن قالك مافية خلوة وقدام العالم انتي وين عايشة فية

لا صرتي ممرضة لازم تكونين مع دكتور لاجوك مرضى

تكونين معه ولو ماكانو فية مرضى نفس الشي
هذا موااختلاء انا موضد طموحك وتفكيرك بكفيك

بس انتم تتكلمون كأن مستشفياتنا نظيفة مرة

ومزكينها والواقع يخافل كلامك كلنا نروح للمسشتفيات ونشوف

المسخرة الي فيها عرض ازياء وميك ابات وبلاوي الله لايبلانا

تلومين ابوك لوشاف مثل هالناس وخاف عليك

ورفض دخولك بها المكان

عازفة انتي ويفوق الوصف

نسيتم قول الرسول علية افضل الصلاة والتسليم

(( لايخلو رجل بأمرة الى والشيطان ثالثهم))

طيب لية اعرض نفسي للختلاط اليومي ممكن يكون نهار كامل
ماتكلم عن المستشفيات فية بنوك وفية غيرها فيها اختلاط

والله اني سويت مقابلة في مكان عمل ما

وتفأجأت بان الي يسوي المقابلة رجال وسعودية جالسة جنبة

تقول زوجتة وهي مجرد موضفة

لامغطية وجها ولالافة طرحة وانا عشاني محتشمة مع ان عندي

الكفاءة وناجحة بالتحرير وبالمقابله بس ماقبلوني

لاني محتشمة وقبلو البنات الي كاشفات طراح بس او يمكن مافية طرحة

بس لوقبلوني ماراح ادخل هالمكان المختلط اخاف على نفسي انا

منهم وماأظمنهم

اذا صار فية مراكز صحية نسائية متخصصة للنساء فقط اكيد بدخلها

وكلي فخر لان اعتراضنا مو على نوع الوضيفة اعتراضنا على مكان الوضيفة

استمتعت بالنقاش معكم

طاب يومكم بود



يا مـا حلا الفنجـال مـع سيحة البـال---فــي منتدى ما فيــه نفس(ن) ثقيـله~~
هـذا العيار وهـــذا و شمالي---وهذا كلاس مـا لـقـيـنـا مـثـيلـه

صح لساني لاتنسون الشرهة السنوية