أهلين .. خشتاً خشه ومعرفاً معرفا
أدري من زماااااااان عنكم .. والوجبات الطيبة ..
اللي تفتح النفس
وخصوصاً الأخت نهر الأمل .. دايم تقول طلع التكلوج <<قصده كتاب الطبخ والنفخ>> واتحفنا بوجبات ترد الروح <<ليش أول وينها رايحه <<بلا خفة دم لو سمحت
وأدري بعضكم .. لعبت فيه الكبسه وتوابعها وأشباهها .. لدرجة إنكم تسمعون الواحد يتاغر من مسافة كيلو <<وين رعد؟
مالكم ومال الأكلات
اللي صار البعض بأسبابها .. يمشون يتخضخضون من زود السمنه <<براااا>> وتشوفون الواحد وإلا الوحده منهم .. لين تدربى .. قصدي مشى أو مشت كنهم يزفلتون شارع <<قصدك رصّاصّات>> بطيئين ومغرسين خخخخخخ <<هين بتنجلد انت
لا ويلبسون ضيّق وإلا سترتش .. من زين الجسم .. يعني ناقص تعصرونه عشان تطلع المطبات والطعوس
اللي فيه
لازم
ريجيم .. لازم تخفيف .. لا تقولون جري وتمارين .. أول شي .. غيروا نوعية أكلكم .. دوروا الأكلات
اللي تحافظ على الوزن اوب تزيده
عاد أنا قلت أسوي خير <<محد قالك>> وأفزع وأجيب لكم .. أكلتن على كيف
كيفكم .. كلها بروتينات .. ومنها تغيير نوع الأكل والتنحيف والتخفيف .. بس لا تسألوني من أي سلاله خخخخخخخ
لأني بصراحه .. ما بعد حصل لي شرف التعرف عليها <<وإلا عندك نيه؟
المهم أخليكم .. مع بعض من صفحات تكلوجي حق المندي
أولاً نحضر هذا الشيء .. تسنه دارسين <<دارسين وإلا معطلين كح كح>>
اللي هي القرفه .. أو مدري هو ديرم <<اللي ما يعرفها يسأل
ريم ألماس فهي من مناصري استخدام الديرم <<شاك ان عندها محل عطاره
ونمسك هذا الشيء بشيء من الحنـّيه .. يعني بدون جلافه
اللي ناوي ياكل
شايفين كيف المسكه؟ .. تسذا بطراطيف الصوابع .. يعني أوب مسكه مخلبيه
ونقدر .. نشكّل .. حسب المذاق والنكهة .. يعني نجيب أبو الشباب هذا .. تسنه أسمن شوي من
اللي قبله .. وإلا لا؟!
ونقدر نقلبها .. مقلقل .. كما تفعل هذه السحلية المبسوطه ع الآخر .. وكما تنتظر بشغف السحلية الأخرى
اللي شكلها ماخذه ذواقه من الوجبه .. وإلى جانبها ذلك التمساح الأفدغ
وهنا نوعيات أخرى .. من هذه
اللي مدري وشي .. فيه ناس بتخونهم عيونهم ويحسبونها فاصوليا .. بنقولهم لا يغركم اللون خخخخخخ
وهذا طبق آخر .. بعضكم بيسوي فاهم .. ويقول أكيد ربيان .. بنقول بدري عليك .. ربيان عندكم .. هنا شي مختلف <<ما يدري وشو
بس ولو الصحن يشهوي .. ويخلي السعابيل تخرخر وهي تمشي ألف
هنا تجدون الشغل
اللي على أصوله .. يعني ما له داعي الواحد يسوي زحمه .. ويروح يجيب له منقد ويعبيه فحم ويشب ضو .. كله عشان يشوي له قطعتين لحم دجاج وإلا كباب مرعوص مع بعض
كلها كم عود .. وغزوهن في ذا الحبيبات البيضا <<لازال ما يدري وش اسمها>> وحمّروا وقمّروا على مزاجكم .. شي على مستوى
شفتوا وشلون النتيجه .. شي زي اللوز
بالهنا والشفا .. أيها الناس الفنس .. من سحالي وتماسيح اوب عندنا .. فأنتم من يجيب العيد دائماً <<ما عليك زود
يا عيني على الحركات .. ميكس مع الخضار .. يطلع شي مختلف .. بس اوب تسنه حبيبات كورن فليكس يابسه
وما نسينا طبعا .. محبي المرقه أو ما يسمى الحساء << الحسا والا الدمام هع هع>> فعليهم إن أرادوا .. أن يستخدموها في مثل هذا الزدر .. ويغرفون لهم شوي
وبالطبع .. مستحيل نطنش زباين .. تسبدة الحاشي .. فيمكنهم استبدال التسبده .. بهذا الخليط من هذولي <<ما بعد عرف الاسم
ويمكن غرفها في صحون صغيره مثل هذي .. ويقدرون ياخذونها سفري .. وحسب المزاج يقدرون يغمسون بخبز وإلا ينقنقون عليها .. زي ما ياكلون التسالي
واللي مدمنين على البطاطس أو التشبس .. أصبح عندهم الآن حل آخر .. كلها شلقة زيت على ضو .. وإقلوا .. وإكلوا خخخخخخخ
وهنا ذا السحليه الفنساء .. تقدم ما لديها من نوعيات لرجال الإعلام الفنس .. حيث التصوير مدّهر .. للذكرى .. مدري للدعايه
يا عيني على النوعيات الجديده في هذا الزدر .. ركزوا زين .. ترى اوب تسنها سبحه طايحه في الزدر .. هذي أشياء تتحرك من نفسها
اللي يبغى له شوي .. بدال البطاطس .. زي تسذا ياخذه في قرطاس ويحط عليه شوي كتشب وملح .. عادي يقول
ما يصير .. نخلي أهل البيتزا ومحبيها .. لازم نوجبّهم .. هنا بديل للنقانق والربيان وحركات التزيين على البيتزا
الرجاء ..
اللي ما لهم شهوه بذا الوجبات .. يعلمونا وش
اللي يحبونه أكثر شي .. عشان نجيبه لهم المره الجايه
<<ايه هين
أدري بدون ما تقولون .. الله يلوع تسبدي
.. بس عادي نحن في الخدمه !!
دمتم بصحه