طالع وش قاعد تقول ذي !



عجبني أخوي قاسي ، المفروض يوجه هالسؤال لبنات هالوقت،

الي بعضهم ما يدلون حتى طريق المطبخ

بعدين يقولك : أثبتت الدراسات والتجارب أن الرجال أكثر مهارة بالطبخ من النساء،

وأنه اشتهر كثير من الطباخين من الرجال في حين لم يشتهر ولا امرأة بالطبخ !


عاد بقولك شي ، لما نطلع للبر أكثر من واحد يطبخ ( يعني تنافس ) وكبسات منوعة ..

تصدقين يسوون الشباب في البر مع الرز شوربة وشعيرية ( حقات رمضان ) ..

وكل طبخة تقول أنا من زينها ولذتها ، وشهادة حق مو أنا الي أطبخهم .. ولكن < حطي تحتها خط هذي

اقول ولكن

أنا أذوق وأشيك واشرف وأوجه .. وعشان كذا يطلع الطبخ حلو

وعن نفسي في الطبخ فأنا أجيد والحمد لله الكثير من الطبخات

كالشاهي مثلا ، والحليب، و حتى بعد القهوة .. وفي الطريق إن شاء الله الكبتشينو




عاد الأندومي ، والشكشوكة وبيض عيون هذولي آخذ شهادة فيهم، وتاكلين أصابعك وراهم بعد ..

ههههه


ومن جد أختي دفء سبق وطبخت كبسات والحمد لله أبدعت فيها، بس طبعا مو دايما يعني على قولتك وقت الأزمات



شاكر لك طرحك لمثل هذا السؤال الطريف ..

دائما متألقة .. يعطيك العافية وما قصرتي ..