اذا كذا بصراحه أنا اللي مصدووووم وبقوه

تمنيت اني اعرف وش أخطيت فيه بحقتس
لأنه زي ما نعرف المتهم بريء حتى تثبت ادانته هذا اذا فيه جريمه سويتها أصلا
لكن اذا انتي جاتس شي من طرف ثاني بدون ما تسأليني فهذي ظلم

وأنا ما أتذكر وربي اني مسيتس بأي شي

واذا السبب مثلا اني ذكرتس بمدونتي وضايقتس هالشي .. فهذا والله يعلم للسبب اللي قلته لتس بخصوص البروفايل .. وكان شي من باب الوفا ورد شي من جميلتس لانتس سبقتيني بهالشي

واذا هالامر مسبب لتس حرج والا ازعاج تقدرين من الاداره يشيلونه أو قولي لي أكلمهم اذا ما تبغينه يبقى في المدونه

غير كذا ما بيني وبينتس الا كل خير .. وتبقين رغم هذا أخت عزيزه وغاليه ولتس تقديرتس

بس كنت أتمنى من حق أخوتس عليتس انتس تقولين وش بدر مني بحقتس

وتأكدي مليون في الميه .. ان ظنتس ما خاب في أخوتس لأني واثق ولله الحمد اني ما أذيتس بشي والا حاولت أضايقتس .. هذا اللي أعرفه أنا

ربي يسعدتس ويوفقتس