الموضوع
:
ديوان الشاعر هادي بن دلهم الهاجري
عرض مشاركة واحدة
06-05-2009, 01:32 PM
المشاركة
15
عذبة الأطبآع
عضو ياهلا فيه
تاريخ الإنضمام :
Mar 2009
رقم العضوية :
29806
المشاركات:
29
عــينه مـآكـله نـص خـدهـ ..
عينه ماكله نص خده
عــينه مـآكـله نـص خـدهـ - هـآدي الهـآجري ((للإستمـآع))mp3 - 5.03MB
لو قـالوا إن العـين تاكل من الخد
لا أقول عينه ماكله نص خده
***
عينه مثل عين أشقرٍ حقـق وهـد
حقـق قـبل لا يطير وأكد مهده
***
أذوب في نظرات عينه إلى لد
وأرخا هدب عينه للآخر ورده
***
وشعرٍ مثل ذيل الفرس لامنه كد
لا فلته عند المعاقيل حده
***
والخشم سلة سيف لا نـاظرت حد
ومبيسم حبة طعامه تسده
***
مالي غنى عنه ولا لي عنه بد
وإن زعل خلي قلت يالله رده
***
شوف الحديد بلاه بالصيف يمتد
وبرد الشتا للوضع الأول يرده
***
هذا مثل قلبي إذا شـافك يرد
وإن رحت عني لاهب الشوق مده
***
أحتد له بالشوق ويحدني حد
وأتحمل عتابه وناره وبرده
***
مثل البحر والسيف بالجزر والمد
والشوق يذبح بين جزره ومده
***
أشفق على شوفه وأسير أتنشد
نشدة يتيم عن الأبو سال جده
***
وأشتاق له ياناس والشوق من جد
من صادق الوجدان شوق أستمده
***
يفداه شوقي والأحـاسيس والود
ويفـداه قلـبٍ ما يخون الموده
***
أول لقـانا فالرويل داخل السد
مثله لقلبي ما أخبر شخص شده
***
أرجوك تكفى لا تبيح بي السد
أشتاق لك ما بين مده ومده
***
ولا شفت رقمي جاك لاتشوف وتصد
إرحم محبك لاتبيح بسده
***
صوتك حبيبي يطرد الجوع والبرد
أدخل على الله حبنا لا تهده
***
وأقول يالله ربنا يا لك الحمد
سمعت صوتك لو به شوي هده
اخي العزيز / اختي العزيزة .. الرجاء وضع توقيع واحد فقط وبحجم مناسب !! كما نرجوا منكم عدم وضع توقيع صوتي يظهر تلقائي اثناء فتح الصحفه .