الموضوع: رج ــــتي ماهي مثل اي رج ــهـ...رج ــتي من نــوع راقي ...!!
عرض مشاركة واحدة
قديم 12-06-2010, 11:54 AM
المشاركة 161
الصورة الرمزية {.. ليت أيامي حلم
{.. ليت أيامي حلم
عضو يفوق الوصف
  • غير متواجد
رد: رج ــــتي ماهي مثل اي رج ــهـ...رج ــتي من نــوع راقي ...!!
كح كح احم

صباح الخيرات

شخباركم .. من زمان عنكم

عاد ابشركم يوم الاربعاء رحنا الرياض وامس رجعنا

بقولكم يومياتنا في الرياض

رحنا الاربعاء وصلنا الساعه 10الليل طبعا اشرقت الانوار والازهار بحضورنا

بعدين نمنا <<تكفين لا تكملين

وصحينا اليوم الثاني اللي هو الخميس وجلسنا نفكر وين نروح

مافي اماكن ترفيهيه <بيذبحوني اهل الرياض

هو فيه اماكن بس مانعرف احنا

المهم بعد الاخذ والعطا وصارالعصرقلنا نروح البراجون

طبعا والين قرروا مره ثانيه ويتجهزون صارالعشاء رحنا بعد العشاء للبراجون

طبعا احنا ثلاث عوائل تقريبا خالي ساكن في الرياض رايحين نزوره واحنا

وواحد من اعمامي بس عددنا اشوي يعني يمكن 9

المهم عاد شسمه رحنا للبراجون دخلنا اول شي شفته قدامي

(يمنع دخول البويات (المسترجلات)) قلت في نفسي يعني ارجع

طبعا نظام البراجون حلو تدفع من البدايه 25 وبعدين خلاص تلعب اللي تبي احسن من التذاكر

دخلنا التفتيش <<مطار

لمارحت في اللفه قابلتني اول بسطه على الارض

قلت اكيد غلطانين مو هنا المكان بس بعدين جلست ادقق في البضاعه

شاي قهوة مكسرات كم صحن حلا وحوله كم وحده جالسات ياكلون

قلت ايه قاعدات في الكورنيش الظاهر

كملنا دخول الا تكثر البسطات يمين ويسار وانواع التسدح <<لاتفضحينهم

مريت من لعبه الاخطبوط توهم بيشغلونها ماامدا تدور اشوي الا واسمع ذاك الصراخ اللي

يخترق طبلة الاذن قلت في نفسي <<ايووه الحين نشوف النعومه على اصول

دخلنا اكثر مطاعم وطاولت وكراسي العالم تاركه الطاولات والكراسي ومتسدحه على الارض

طبعا توزعنا الاولاد الصغار اخذوا بعضهم وراحوا والامهات كل وحده مع بنتها الصغيره تراقبها

وانا ياحبني لي ماعندي شغله غير اطالع في الرايحه والجايه

بعدين زهقت لان ماكان معاي بنات قدي اكبر بنت معانا كانت في سادس مدري اول متوسط

ومادري وين انخشت مع الالعاب...قلت مالي دخل بروح العب

ورحت ركب اول لعبه الاخطبوط واناقاعده اختار لي مكان اجلس فيه مريت من جنب ولدين

يتفلون ع بعض قلت لهم يالوصخين قالي واحد فيهم مالك دخل

قلت خير ان شاءالله اصلا لو تدري اني جايه من الشرقيه ما بتقول تسذا

لقيت مكان كذا وركبت فيه ولعبت كان حلو وناسه بس مايستاهل الصراخ

المهم رحت وسحبت الامهات قلت لهم تعالوا لا تسوون لي فيها كبار وحرمات مانلعب

وركبتهم ولعبوا واستانسوا بعدين قلت لهم ابصوركم واوري ازواجكم يالبزارين هع

<<فضيحه لا تجين معهم

بعدين رحت السوق اشوي اتمشى الاسعار كانت نوعا ما مقبوله يعني

بس بطاقة الشحن مثلا ابو 10 ياخذون12 <<خير

بعد ربع ساعه من الدوران رجعت لعبة الاخطبوط مره ثانيه هي احلى لعبة كانت موجوده

وركبتها بس في هالمره كانت غير في هاللعبه وهاللحظة حبيت وانحبيت

في المكان اللي جلست فيه كان مقابلي ولد صغير مع اخته مدري امه

ومن يوم ما ركبت وهو يطالع فيني والابتسامه شاقه ويهه

وعاد انا يعني شسمه ابتسمت خجل ونزلت عيني

وبدت اللعبه تدور هو يلف عينه اشوي ويرجع وانا بعد نفس الشي

<<فلم هندي

الين ما خلصت اللعبه نزلنا كنت بروح اعطيه الرقم بس كان معه محرم اخته مدري امه استحيت

وصار الساعه 11ونص وبدوا يسكرون الانوار وكذا واحنا جمعنا قشنا ورجعنا لبيتنا

وبس ويوم الجمعه العصربعد حفل الافتتاح مشينا للشرقيه

البراجون حلو اذا كان معك مجموعة بناااات يكون وناسه واستهبال ع كيفك

بس لحالك مو حلو

يالله لحد يزعل ع تعليقاتي كلها مزح

اهل الرياض اهل جود وكرم ويستاهلون الطيب

هذي وردتين لهم




.
.
.



( ؟ )


http://www.al-amakn.net/vb/uploaded/...1288888710.gif