الموضوع: اخبار لقاء شباب الاماكن ( 2 )
عرض مشاركة واحدة
قديم 19-03-2011, 05:17 AM
المشاركة 39
الصورة الرمزية الحر القطامي
الحر القطامي
عضو يفوق الوصف
  • غير متواجد
رد: اخبار لقاء شباب الاماكن ( 2 )
. . .


قالو لقاء ما بين شب الاماكن=وطلبت راكو قلت ابي منك خوه
قال انت تامر يابن عمي ولاكن=قم جهز الموتر ترى الليل توه
طويت دربي وانا في ليل داكن=من شان اشوف اهل النقاء والمروه
ناس ٍ بهاالرزانه والعقل تاكن=بالعون والتوكيد تستاهل العنوه
ياللي غلاكم فالمعاليق ساكن=الشاهد الله..ترى ماجيتكم فضوه
من لهفتي قامت عزومي تحاكن=نواف.وجار الردى لاتشب ضوه


السلام عليكم ورحمة الله وبركاته

ياحي هالوجود الغالي

وش حالكـم ياشباب وياصبايا ان شاءالله منيحين

دام الدعوه فضايح نجيب الفضايح ليش لا > ياويلك ياشمالي

دامني فاضي خلوني بسولف على راحتي حطو جوالاتكم على الصامت > داخلين مسجد يابو

جاني خبر انك مع فلان ماشي . . . وانك تبادله المشاعر والاوهام > حلو البيت مو هعع

لا صحيح جاني خبر بلقائهم يوم الاثنين الصباح من كحيلان بقروب> منهم على االقلب غالين

وقلت لكحيلان راح اعطيك الخبر الاكيد يوم الاربعاء بإذن الله > طبعاً انشغلت الاربعاء

وكلمت كحيلان يوم الخميس حول اذان المغرب وقال ان الشباب اكدو لقائهم وقلت خلاص

انا بمشي بعد الصلاة كان عند الوالد ريجيل واستصعبت الممشى وهم بالوجود > يعني شينه

المهم كلمت راكو يخاويني ومنها اسلي خاطره لانه ضايق هالايام >خذ من وسع خاطري يابعدهم بس لاتضيق

ووافق مستر راكو وانبسط بلقائهم ومشينا الساعه 7:15 من محبوبتي وعشيقتي (المجمعه)

يوم وصلنا الحوطه ويجي اتصال لمستر راكو واشغله الله لايشغله الا بطاعتوه وتكدر راكو

ولله الحمد والمنه دبرنا من يقوم بشغله بإكمل صوره من احدى الاقارب بالرياض وبيض الله وجهه

ووصلنا الرياض عند الساعه 8:30 بفضل ٍ من الله سبحانه وتعالي >الله يسلمكم والله محد يقوم استريحو سلام نظر يالربع

واتصلت على الفيلسوف كحيلان واخذت الموقع واتجهت له >اخينا فالله موصفلي فندق الخزامى يجي على يميني والنخيل يساري

ولوحة الخزامي على الجنب بإتجاه الجنوب وانا متجه جنوب يعني مايشوفها الا اللي متجه شمال المهم اني ضيعت شوي

صار وراي الفندق وقلت ماعزالله رجعت بهالزحمه والله لو اعكس وخل ساهر يصور على كيفه المهم دخلنا مواقف الفيصليه

ووقفت عند سيارات لو تقولون وش اسمها قلت مدري جخه وماقالولها وانا وخشتي راز الكامري بينهم قال راكو لايسحبون سيارتنا

قلت اقول توكل بس خلهم يسحبونها يامكثر الليموزينات > مهايطي الحر ههههاااي وقلت ابحط ورقه على القزازه وبحط رقمي

وبكتب نأسف للإزعاج > صارت حفريه هالكامري ماصارت سياره هعع المهم لقيت حارس على باب من ابواب الفيصليه

وسألته الموقف هنا مخالف ولا لا ..؟قال لا عادي خذ راحتك قلت زين عافاك الله ومشيت للمقهى واول مادخلت الا ابو غتره

على اليمين فاق كشرته ويناظر قلت كحيلان قال هلا وبدا الترحيب وسلمت على الجميع ياناس ماقعدنا والله العظيم دقيقتين

ويهاوشني كحيلان باقي شوي وياخذ نظارت العطشان ويوسمها بوجهي > خل الولد يرتاح شوي ولا ياخذ وقت يرفع كمومه هع

عتاب معسول من انسان غالي ولو تمون ياكحيلان بس لاتعيدها وتنبسط عشان ماقول وشلون وصفت الي شفته بهذاك اللي دخلته بالغلط ههااي

يعاتبني كحيلان عن سبب خروجي من المنتدى > وشرحت ضروفي للعموم وتفهم كحيلان بأني ماخرجت للمضايقه من احد او الزعل > ارفق ياكحيلان

المهم بدا مهايط اخوان بدوه كلن يقول اجلس هنا اجلس هنا >فديت الاخلاق والاحترام .وقعدنا شوي .الان سلمت على كحيلان وخيالك والعطشان

ثواني الا الرجال المربرب المدرمح ناصينا عسى الله يحفظه واسلم عليه قالو شمالي واستلمو ثاني مره اخوان بدوه مناشب بالشرب جب ع ذوقك لا قل

الزبده طلبت موكا حار والاخوان كل ٍ طلب على ذوقه وجلسنا نتناقش الا اللي دخل > بيسوي مقلب بكحيلان الاخ الفاضل جنتل وتعدى كحيلان

ويناظر كحيلان فيه وجنتل يناظره بنظرات تعجب بأخر شي ضحك جنتل ورجع سلم > بس حلوه الجره ياكحيلان ههاي وسلمنا عليه

بصراحه ياناس صدمني شمالي صدمه طلبت المرور فيها > ياللأحراج ياشمالي يقولي صراحه منتب على شكلك قلت ليه قال معطيك عمر

ياللهول ايها الشمالي بس ولو كلمتك لي الفخر فيها يقول معطيك عمر 45 سنه ياكبري صرت اكبر من امي ههاي مادرا اني مسحب سست

والنقاشات ماقصرو الاخوان شروحها واخذنا نحش بالاعضاء شوي ونسب بالمنتدى > مافيكم احد يوم الخميس حس بعوار بظهره ههاي

لا حشاكم عم بمزح وياكم.ماذكرناكم الا بكل خير وطيب وتراودو الاخوان طروحاتهم وارائهم عن المنتدى وكل ٍ عطى ماعنده من اقتراح

الى ان تمت الساعه 11:30 واستاذنت انا وراكو وماقصرو حاولو فينا بالعشاء ورفضنا لسبب الخط اللي ورانا ودام عزهم وكرمهم

ومثل ماقالو الاولين (عزيمه تقطع الثياب) و(عزيمه تقضب الباب) > معروف معناها مامن صعب وهم نالو الاولى من هذا المقال الله يديمهم بعزهم

وسمحولنا الاخوان الغالين .. وقدرو ضروفنا وتفهمو لما شرحناه من بعد.ومشينا للمجمعه > بدري وين > المهم مشينا ولانعلم ماصار بعدنا

الاشكال تبون الاشكال > كم تدفعون . . .؟ ههااي

كحيلان : لابس غتره وثوب ابيض وحالق ام الشنب والحيه.ابيض.الطول يقارب 166 متوسط الجسم

شمالي : لابس غتره شتويه وثوب شتوي سكسوكه اربع عيون ابيض الطول يقارب 168 سمين الجسم > مو بطه السمنه اكثر

العطشان : لابس شماغ ثوب ابيض سكسوكه اربع عيون اسمر .الطول والله ماوقف عشان اقول يقارب .لكن من الجلسه اتوقع يقارب 165

خيالك : لابس شماغ وثوب ابيض ولابس جاكيت اسود اربع عيون ابيض.الطول يقارب 168

جنتل : لابس شماغ وثوب ابييض سكسوكه ابيض الطول يقارب 168

راكو : لا لا اغار عليه يافديت خشمه .شماغ ثوب ابيض سكسوكه صغيره ابيض الطول مافيه يقارب اكيد 167

الحر:بعير بس صار حوار من جور الزمن ههااي شماغ ثوب ابيض اربع عيون وعن قريب عينين بمشيئة الله بويض مش ابيض الطول 164 يالبى اللي مسحب السست

وختاماً : يشهد الله انهم طيبين وجلستهم تنشرا والعنوه فيهم ماهي خسارهـ ولو فيه لقاء ثاني

انا اول الحاضرين وبالفعل راح تشوفون صيانة هالكلمه مع الايام ان كتب الله سبحانه وتعالى لقاء

وياشباب لاتنسون الوعد اللي بينا امنتكم الله شرفونا

واليوم اختاروه متى ماطاب وقتكم

واسفين على الاطاله بس الفضاوه زينه

لاعدمناكم

في امان الله

سبحان الله وبحمده ... سبحان الله العظيم



[CENTER]