الموضوع: اخبار لقاء شباب الاماكن ( 2 )
عرض مشاركة واحدة
قديم 19-03-2011, 02:40 PM
المشاركة 42
الصورة الرمزية العـطــشان

  • غير متواجد
رد: اخبار لقاء شباب الاماكن ( 2 )
السلام عليكم ورحمة الله وبركاته


الله يجملني مع كاسبين الطيب

والله يقدرني لكسب الجمايل

يالي ما يعلم بقدركم سوى عالم الغيب

يوم ان مثلكم نادرين وقلايل


حي الله كلن باسمة


ادري متاخر بالرد لكن ظروفي ما تسمح ان اكون متواجد بالويك اند لأنشغالي

جمعه وشوفه الأخوان كان لي الشرف بها بشكل ما يوصف ولا اخفيكم ما كنت متوقع انها راح تكون بالأخوه والمثاليه

الي وجدها في روح كل واحد فيهم ولكم ما يلي محاذي لأسم كل اخ عزيز قابلته :


شمالي :

كنت ثاني واحد من الواصلين والتواصل كان مع اخونا على قولة الحر ( الفيلسوف ) كحيلان11 وكان وصفه بالنسبه للمكان دقيق بالمره وصلت المكان شفت فيه شباب جالسين خارج المقهى وبالداخل العدد كان قليل وطاحت عيني على شمالي وكان جالس لوحده فسبحان الله حس قلبي انه شمالي واتجهت له بشكل مباشر وقلت له الأخ شمالي قال نعم وسلمت عليه وكيف الحال والساعه المباركه ونسيت اعرف عن نفسي ههههه بالاخير قال من معي ؟ قلت معك العطشان ابو عبدالله ورحب الرجل وكان استقباله مثالي جداً
عن جد ما كنت متوقعه بالصورة هاذي محترم ، التعامل معه يريح النفس يدخل القلب من اول اجتماع والي عجبني فيه كثير من ساعه ما قابلته جلسنا تقريبا الربع ساعه انا وهو وكان حديثنا خالي بالمره عن المنتدى وهذا سر اعجابي به لأن الهدف من الاجتماع ( جلسه تعارف).

نجي لكحيلان11 :

كان ثالث الواصلين فلا اخفيكم من سلم وجلس وهو ماشاء الله عليه منطللللللللللللللللق وتوحد شوي بشمالي وصرت مستمع له وبأنصات وكان مندفع بشكل فضيع لأني اول مره اقابله لكن سمعت صوته كثييير وبداء يشرح لنا سالفته مع المواقف والفيصليه واستغربت من الي استغرب منه.
واثناء ما هو منطلق اخونا الكريم كحيلان وصل خيالك وبعدها الحر القطامي ومعه الاخ العزيز راكو .
كحيلان هو شاف الحر او ما شافه ما امدى الرجال يسلم علينا الا كحيلان مستلمه استلام الله لا يوريكم لدرجه انه جالس على طرف الكرسي ههههههههههه انا جاء ببالي انه مشغول وبيمشي على استعجاله للحر انا طالبك ابيك توعدنا وابيك وابيك قلت الله يستر وش الي صاير فجئة قال نبيك ترجع للمنتدى ؟
الحر عجبني رده وكان بركود وانا وقتها كنت اطالع بوجه الحر وعلامات الاستغراب ماليه وجهه من انه يقول له نبيك ترجع قال الحر اصلن انا موجود ما طلعت من المنتدى لكن دخولي قل بسبب قاله لنا وكان مقنع وكثر الله خيره على هالظرف الي يمر فيه ويكون بيينا بالشكل هذا. وبعدها استلم شمالي وماشاء الله صوته جهوري وبرر لنا الله يطول بعمره الشئ هذا لأنه قد يكون من التدريس وصار يدخل من موضوع لموضوع مختلف مره عن الحر ومره عن الاعضاء والعضوات ومره عن الاقسام انا وقتها ما عاد ادري أي سالفه نمسك له هههههههههههههههههههههههههه وفاجئني وقال ابو عبدالله علق على الموضوع التزمت الصمت لأني مدري عن أي موضوع يبيني اعلق صارت الجادات عندي اكثر من 10 وضعت بينها .
وواضح عليه الاندفاع بشكل فضيع وقلت له الشئ هذا اكثر من مره قلت انت تراك مندفع ارفق شوي ههههههههههه. لكن الشهادة لله الرجل مطلع بشكل فضيع وافادنا اثتاء حديثه بعد ما انتهينا من المنتدى بحديثه عن امور كثيرة من ظمنها هالكتاب الي بينه وبين جنتل الرياض.

خيالك :

الواصل الرابع بعد كحيلان11 وماشاء الله كان اطول واحد فينا وشمالي كان قريب مني وقال غطى علينا بالطول ههههههههه الله لا يضره هو الوحيد الي كلنا ما توقعنا شكله بالي ظهر لنا به وكان بقمة الهدوووووووء لدرجه انكم يا دوب تسمعون له صوت لكن ابو عبدالرحمن ارتحت له بشكل ما تتصورون وبينت له بعد خروجنا من المقهى وذهابنا بطريق واحد للسيارات عدم سبب الاجتماع من اول بالصورة هاذي وتفهم الوضع فديت قلبه يعجبني دائماً الرجل الي يكون هادئ بالحوار وخاصة انه اللقاء الاول وانا واثق تمام الثقه انه غير الي شفناه به لكن مع الوقت راح يكون اكثر وضوح وسماع لصوته ههههههههه .


الحر القطامي : راكو . .

اقول الله لا يهينكم على هالتشريف وتكبد عناء السفر وجعل ربي لا يحرمكم الاجر على هذه الأخوه والصداقه الي فعلاً ضربتو لها اجمل الامثله من الواقع.
شمالي اول المستغربين من الحر تفاجئ من شكله نظير ما يشاهده منه وما يقدمه بالمنتدى من شعر وحسن تعامل ان يكون بهذا السن ما اقول الا الله يحفظك ويخليك لوالديك وجعلك تكون من البارين لهم.
واتوقع والعلم عند الله انه طول الطريق وهو راجع يفكر كثير من موقف كحيلان له من اول ما وصل ههههههه وكان جالس جنبي من اليسار وقال لي انت يا العطشان غامض بالمنتدى وهنا ؟ ههههههه
مع اني ما اشوف اني لها الدرجه من الغموض .
كان حديثه عن المنتدى وعن الشعر والشعراء لميوله وكان نصيب تباين وجهت نظره حول المنتدى والاعضاء والمشرفين والاقسام النصيب الاكبر وتوقبلت بصدر رحب من شمالي ومن الجميع.
عجبني فيه هدوئه وانتقائك لكلمات تنم عن نمو فكره لكن ظروف لديه حالت دون ان يكمل الجلسه معنا الى وقت انصرافنا لكن الجايات اكثر باذن الله.

راكو :

اغلب عليه الصمت والاستماع لما يدور بيينا .


جنتل الرياض :


كان اخر الواصلين ولم يكن التواصل معه الا من شمالي واول مره يجتمع معه سلم وعرفنا على نفسه وعرفنا انفسنا عليه تكلم عن المنتدى بشكل عام وخاصه عن موضوع المميزين الشهري واخذ شمالي الامر بعين الاعتبار . شخص ترتاح له من اول جلسه معه يتحدث بعقلانيه مطلقه عجبني فيه منطقه بامور كثيره ولو ان بعضها لها حده قويه الا انها تبقى عقلانيه.
واصر هو وكحيلان على موضوع هالكتاب الي تكلم عنه بنبذه قصيره وكانت كافيه من عنوانها ؟
ودار بينه وبين كحيلان سالفه القسم النسوي وسبب دخوله له وبرر له الموقف وكان النصيب الاكبر من التعليق على كحيلان الاكبر ههههههههههه وتقبلها فديت خشمه بكل روح رياضيه.





لجين : بصيص الامل : شــ ج ــن

سالفة التصوير وانا اخوكم كان الاقتراح من اخونا حسب لقب الحر القطامي له ( الفيلسوف) كحيلان11 وكلن صار يطالع بالثاني انا قلت من وجهت نظري لا تصورون انا اشوف ما لها داعي وخاصة انه الاجتماع الأول فشبه تم التأيد منهم وخاصة شمالي وصرنا نتحدث عن التصوير وكان اقتراح كحيلان ان نغير الصور الرمزيه الى صورنا الحقيقه لمدة اسبوع ( الله يرحم حالك اسبوع كثيييييييييييره ) هههههههههه المهم بالأخير قلت انا ما ابي تصوير انتو الله يقويكم صورو وحطو صوركم ورفضو هههههههه فتوجهنا لكحيلان حط صورتك انت قال لا انا لوحدي لا هههههههههه.

المهم انا قلت رأأي ما تنحط صورتي انا واذا تبون تصورون حطو صوركم يعني لم ارفض التصوير لهم كمجموعه صورو الله يقويكم وانا وقتها بابعد عن الكاميرا فتم الرفض .

على العموم رفضي للتصوير كان انه لن ولم يقدم شئ وانا اقولها للشباب بالاجتماع الثالث اذا رغبتكم بالتصوير الكامل من وقت اجتماعنا الي اخر وقت نجلس فيه انا مستعد وازيدكم من الشعر بيت لي زميل مصور وعنده كاميرات عاليه الجوده وله بموقع صور كثيره والرجل متقن الشغله بشكل فضيع لكم مني اني اخليه يجي ويحضر معنا ويصور كل شئ ويحملها على فلاش ميموري واسلمها لشمالي وهو بطريقته يطرح الصور المناسبه لأن عددها راح يكون كثييييييير.

لكن هذا ما يمنع اني لا زلت عند راي انها لم ولن تقدم ولا تاخر شئ وخاصة اذا ظهرت وجوهنا . وجهت نظر



اسئل الله لنا ولكم التوفيق وان مثل ما جمعنا ان نجتمع بالفردوس الآعلى من الجنه ومع من نحب


اخوكم


ابو عبدالله








إذا طــُعنـت من الخلف فيجب أن تفخر ! لأنك في المقدمة . .