منتديات الأماكن - عرض مشاركة واحدة - ألحقووو ..لجميع الطلاب والطالبات ...مدرستك تحت المجهر

20-04-2010, 05:05 PM

المشاركة 7

¸.خَوْاطِر إِمَارَاتِيْه.¸



رد: ألحقووو ..لجميع الطلاب والطالبات ...مدرستك تحت المجهر

¸¸.»»وهم الشمال««.¸¸

وعليكم السلام ورحمة الله وبركاته
مساك الله بالنور والسرور
لك اجاباتي

*كم نسبتكَ العـأَإم الماضي او الثانويه العامه... يلا طلعوا الفضايح .:؟!
صراحه نسبتي الحمد لله كانت 80% وعلى هذا الاساس تم قبولي في كلية التقنية العليا

* وكم ترتيبكـ ؟.!
اذا تقصد الثانويه العامه ما اذكر بصراحه بس اكيد هب من العشر الاوائل

*ماهى مادتكـ المفضله ؟!
بدون تفكير مادة الرياضيات صدق ماده اعشقها

*تحب تذآكر من الدفتر او الكتاب .؟!
الدفتر مختصر ومفيد

*هل انت من النوع اللي تحب تشخبط ـ عـَ الكُتب والدفــأإآتر ؟..!!
وايد اكتب واشخبط يعني كنت اتفنن في استخدام الهاي لايت

*اذا انت متخرج ايش المرحله الي حبيتهاا ؟ وليه !
صراحه احلى مرحله يوم كنت في اول ثانوي
السبب
اني انا من النوع الهادي وايد في هاذي المرحله اجتمعت مع شله مشاغبه
لدرجه محد يروم يتخيلها واستويت مشاغبه لسنه وحده حسيت صدق بعطم الشقاوه اللذيذ

*هل انت من النوع الي يتكلم كثير ؟. او لا يتكلم اونـآدراً ؟.!
انا من استويت لين يوم هذا احب اسمع وايد اكثر من اني اتكلم
واتكلم يوم الضروروه القصوى

*من أكثر معلم حبيته ؟ وإيش كان يدرس او تدرس ؟.!
ابله نوره مدرسة لغة عربيه
حبيتها لانها كانت وايد تحبني وكانت حنونه عليه وايد
المحبه من الله

* كم كــآن عدد الطلاب في فصلك؟.!!
للاسف كانوا 28 يعني الغش على كيف كيفك

* فين كــآن مكانك في الفصل ؟؟.!
اكيد في المكان الاستراتيجي (الوسط)

*كم مره كتبت تعهد او مخالفه . وليه ؟.! ومتى .؟!
ولا مره والله لاني هاديه حتى يوم استويت مشاغبه كانت الاداره
مقدره وضعي خاصه ان امي الله يرحمها كانت عضوه في مجلس الامهات
يعني واسطه

* كم مرة انطرت من الحصه ؟.! وليه .؟.! ومتى ؟!
مره وحده
السبب
لان مدرسه والله ظلمتني كانت تتحراني ارمس في الحصه
وانا بريئه واللي كانت ترمس خلتها ولا طردتها

*كم مرة انحرمت من الفسحه ؟.! وليه؟!
ولا مره
الا الفسحه هاذي المتنفس لنا بعد ننحرم منها حرام والله

*عمرك اتهزات من مدرسك أو مدرستك .؟! وليه ؟.!
هيه يوم كنت في ثالث ثانوي من مدرسة الرياضيات اتهزأت، لان يوم الاجازه الاسبوعيه
حددت موعد عشان نداوم وعسب تبا تخلص المنهج بس انا طنشت ولا داومت

* او هزأت مدرسك أو مدرستك.؟؟!!
لا عمري ما سويت هالشي في حياتي لو حتى هي الغلطانه

* مدرّس او مدّرسة ماتذكره بخير.؟؟
انا كنت في القسم العلمي المدرسه اللي ما حبيتها مدرسة الفيزياء
صدق ما كان عندها اسلوب ابدا

*هل سبق رسبت سنه ؟.! اذا رسبت في اي صف ؟.ّ! وكم مره ؟.ّ! وليه؟.ّ!
ما عمري رسبت بس كان عندي دور ثاني في الكيمياء ونجحت

*كم مرة هربت من الحصه ؟..! اذا هربت صادوكـ ؛) .؟؟!
هربت بس ما صادوني يعني تروم تقول 5 مرات

*كم مره نمت في الصف ؟.!
يا ليتني نمت في حصه الامر يهون
انا ياني رقاد يوم كان عندي امتحان
بس والله غضب عني

*ا نتـ / ـي في مدرسه اهليه ! او حكوميه ! .؟..!
حكوميه

* في حد من المنتدى معــآك في مدرسه ؟ّ!. او صار معاك مره ؟.!
ولا حد للاسف

اشكرك على الاسئله الممتعه واللي صدق
ونستنا وايد
لك تقديري
اختك
¸¸.»»راقيه في حضورها««.¸¸

رد مع الإقتباس