أخوي سيف العشق /
ما تفقد غالي إن شا الله .. والشر ما يجيك
أبشرك الأمور تمام ولله الحمد .. بس خبرك أحياناً الزواله تزيد شوي .. فنركن إلى الفهاوه والابتعاد
أبد والله .. تقدر تسميها ملل .. تشبع .. استراحه فاضيه .. قصدي استراحة محارب
ومدونتي تنور دايم .. وتدّهر فيها الأكباس والكشافات .. بـ طلّتك وشرواك .. لا هنت سيفوه


أخوي ...... أكمل فراغ /
تسلم والله وأنا أخوك .. انتم اللي تضيفون التميز للمدونه بتواجدكم .. وإعجابكم
الله يسعد قلبك .. ومشكور .. وثاني مره طلع بطاقتك .. قصدي حط اسمك


أختي خجل /
سلامتس من الموت وأنا أخوتس .. بعد عمر طويل إن شا الله
الله يديم الضحكه بقلبتس .. ويوسع صدرتس بالعافيه
أهم شي استانستي .. وتسعدني متابعتكم والله .. لا عدمتكم


أختي سندريلا /
دوم الضحكه بقلبتس .. وتزيد الوناسه والانبساط
اي نعم علك .. عندتس اعتراض قدميه؟!
هو ما عنده يتصرف بأقرب شي يلقاه
خلاص ابشري بوصيه وأقوله .. تقولك سندريلا .. بق لي من العلك << وين برندا؟!
ويسعد قلبتس أختي .. مشكوره


أخوي جرح /
ويسعد قلبك بعد .. ويديم عليك الوناسه والتشقق
أهم شي إنك فليتها .. ويا مال العافيه على الورده الحلوه .. لبى قلب حايل وأهلها .. مشكور كلك زوء << بيسوي رومنسي امحق
على طاري حايل .. شفت الصور اللي بمدونتك .. اللي عن السيول روعه .. تصدق إني من الانسماج والاندماج رفعت ثوبي على بالي بمشي في المويه << أرنب آخر الليل
لا خلا ولا عدم يالذيب