الموضوع: صمتُ ريشة و محبرهـ جنون
عرض مشاركة واحدة
قديم 18-09-2009, 05:58 AM
المشاركة 80
الصورة الرمزية فارس
فارس
عضو يفوق الوصف
  • غير متواجد
رد: صمتُ ريشة و محبرهـ جنون


سلمى ..
نامت فديت عيونها ..
يا حظـّـها .. بالليل تحضن نفسها ..
وتنثر بغرفتها عِطر أنفاسها .. !!
وتحلم وهي ترقص على ليلة زفاف .. !!
الشمس خاطِبها القمر .. !!
وأنا على حدّ السهر مغير أتمتم باسمها !!
وهي تنام .. !!
وتصحى الصباح .. وتـفطر على زبد وعسل .. !!
وتكدّ غرّتها يمين .. !!
وتمسك يديها خصرها .. وتضحك على كلّ البنات .. !!
وتقول " أنا كلّ البنات " ..
وإذا مشت ينعس سواد عيونها ..
يا ربـّـي وش ذاك الكسل .. ؟!!
نحرٍ صغير .. وقلبٍ من النشوة حنون !
سلمى سوالفها خمر .. !!
وإذا كذبت يصبح صحيح .. !!
وكلـّـش يصير .. وأتفه مطالبها .. أمر !!
وهي عارفة .. يكفي إذا ترضى عليّ .. !!
ودّي أنام بعينها ..
وأشرب سواد عيونها ..
وألعب بهذاك الهدب .. بس بأدب .. !!
وأقول : أحبـّـك .. وأنتفض ..
وردة فديت عيونها .. !!
إذا جِلسَت مع البنات .. ماكنّ في المجلس بنات !!
بلحالها .. !!
شمسٍ كَلَت كلّ النجوم .. !!
وإذا ضحكَت .. بشفاهها .. ماتوا حيا .. / مات وحَيَا / ..
لوحة حَوَتْ كلّ الفنون ..




.
.




سلمى تغنـّـي للهوى ..
وترقص لها كلّ الطيور .. !!
ودايم بغرفتها بخور .. وظلال نور .. !!
وشموع ماتطفى أبد .. !!
ودبدوبها الوردي الشقيّ .. !!
ينام في عزّ الشتاء بأحضانها .. ويجيه الأرَق .. !!
وهي على ذاك السرير ... ومفرش حرير ..
تكتب قصايد في ورق .. وأنا يعذّبني السهر ..
وأشرب من النشوة أرَقْ .. !!
فديتها ..
تكذب !
تموّتني قهر ..
لكن تموت ولا تخون ..
.
.




سلمى إذا تبكي أموت .. !!
وإذا ضحكَت طاب السهر .. !!
بعيونها صورة غرام .. وبشفاهها كلّ الكلام ..
حلووووة .. جنان .. تلعب إذا جاها المطر ..
تقول " أحبه حيل "
الله ... ليت إنّي مطر .. !!
وأنثر رذاذ العشق فوق خدودها .. وأسيل .. أسيل ..
وأشرب عَرَق وجناتها .. وأموت لو تمسح عليّ بكفّها .. !!
يا حلوها .. !!
سلمى .. ولا كلّ البنات .. !!
فعلاً جنون !!



.
.



سلمى .. شفايفها كرز ..
والشفـّـة السفلى خبال .. مليانة توت .. !!
وإذا ضحكَت فاض وبرَز .. !!
تحب تتحنـّـى كثير .. وتنقش على يديها ورود .. !!
وتكتب حروف .. !!
تحطّ " كاف "
وتحطّ " راء "
وتحطّ " ميم "
ما لومها شيخة حريم .. !!
وتموت ما قالت أحبك .. !!
وأنا أموت .. !!
مرّة غِلَطَتْ وقالت " أحبك " .. وماتت خجل !!
وبسرعة قالت " يا يبه .. ! "
قلت : أيش .. ؟!
قالت " أنا أحبّ أبوي ... وأمـّـي بعد "
ثم ضحكَت .. وعضّت شفايفها حياء ..
وبغيت أموت .. يا حظـّـها .. تعضـّـهم ما يزعلون .. !!
تبي تموّتني قهر .. فديتها .. !!
قلت : سلمى حاسبي .. لا تنجرح شفايفك .. !!
قالت " وإذا ؟!! خل تنجرح .. لو تنجرح يعني إش يصير .. ؟! "
قلت : أخاف دمـّـك ينتثر .. !
قالت " فديتك لا تخاف .. ما في عروقي أيّ دم .. !! لو أنجرِح يسيل توت ..! "
وأدري بسلمى صادقة .. فديتها .. !!
من حقـّـها .. تعضـّـهم .. !!
على شفايفها تمون .. !!!


ومازلت اردد : بسمتك ، فيها الفصول الأربعة
ومن الوجود اشتاق لإحساس الوجود بشوفتك