موقف طريف


اليوم في المكتب .. جاني واحد من الزملاء من قسم ثاني .. معه أوراق ومستعجل .. قال :

النيميل يشتغل عندكم؟!

أنا كلّجت <<عاد هي أول مره >> يوم صمخني بالسؤال .. وقلت :

موظف جديد ذا وإلا وشو؟!

قال لا يا شيخ .. تتريق انت .. النيميل؟ .. ما تعرفه وانت مسوي فيها تطقطق على الكنبيوتر

عاد أنا يوم شفته مطيّح الميانه بس بعصبيه .. ما خليت طبعي .. وقلبتها تريقه عليه مع إني لحظتها مدري وش يبي

قلت ياخي عطنا اسمه الرباعي ونشوف لك الرجال يشتغل بأي إداره وأي قسم .. موب جايب لي اسم العايله وتقول يشتغل عندكم !!

قفلت معه زود .. قال لا تضيع وقتي .. ما فيه أحد غيرك اسأله؟! .. وحسيت إني فعلاً تهزأت في مكتبي .. بس عديتها له وقعدت اسأله وش يبغى بالضبط

آخرتها .. بعد التحقيق معه .. اتضح إنه يبغى يرسل " ايميل " .. وبيشوف النت كان شغال عندنا وإلا لا !!



يا أنا ضحكت عليه ضحك .. فرصتي أرد التهزيئه



لكن تبون الصراحه .. في مسميات التقنيه .. خذوا وخلوا .. يا كثرهم اللي يخبصون بالمسميات


أتذكر واحد يسمي .. الهاردسك .. هارديز خخخخخ .. شكله جايع

وواحد ثاني .. جاي يتميلح عندي .. يقول أبشرك صرت أشتغل على السنكرز .. قصده السكانر اللي هو الماسح خخخخخ .. والله