موقف عائلي بس موب للسيارات





في اجتماع عائلي قبل ليلتين .. حدث موقف طفولي .. بدا برومانسيه وانتهى بنكد خخخخ


اللي حصل .. على العشاء .. كان فيه ولد أخوي عمره حوالي ثلاث سنوات .. وبنت أخوي الثاني بنفس عمره تقريباً

ثنينهم كانوا جالسين بجنب بعض على العشاء .. وش ملحهم كنهم كناري


أبوالشباب اللي هو الولد .. كان مسوي فيها جنتل .. وأتيكيك .. مدري وشو .. أو إن قصده يسلك من بدري وراسم على البنيه

فلأجل يوضح هالشي .. قام ياخذ من الأكل ويعطيها في فمها من زود الاهتمام .. وكانوا مبسوطين وأشكالهم تجنن

شوي .. مدري هي البنيه .. خقت معه وطاحت سعبولتها من الدلع والهنا اللي كانت فيه وصارت مفهيه .. وإلا طلعت النذاله

المهم .. والرجال منسجم وهو يحط الأكل في فمها والابتسامه شاقه وجهه للاخر .. عضته بنت عمه خخخخخخ

وتقفل معه الضعيّف .. ويدنها بتسوه .. ويتنكد ويقوم من العشاء ما كمله .. بعد ما انسدت نفسه من ذا الحركه


ما عليها شرهه .. سحليه صغيره


بس شكله صرف نظر