اتمنى ..ماحديمر من هنا ويبخل علي برد مفيد..او حتى دعوه..فالامر يهمني
السلام عليكم ورحمة الله
مساء الخير
بصراحه ماعندي وقت لتنميق المقدمات..لان الموضوع يهمني ردكم فيه ومساعدتكم..اكثر من ترتيب كلمات
عندي بنت اختي صغيره بثاني ابتدائي...هي ماشاء الله شاطره في المدرسه..شخصيتها مرحه ومحبوبه...
من حيث الاهل والعائله..فجوهم ماشاء الله مستقر مافيه نقص تواجهه..تحب اخوانها مافي بينهم غيره او كذا...
بيتهم مافي اغاني وكذا..يعني يمكن ي دوب طيور الجنه...بس مو طول الوقت شغاله...اوقات واوقات لا
نجي للموضوع..انه لها قرابة اسبوعين...يعني ماعرف لهذا الشئ تسميه الا وسواس...تعيد وضوءها اكثر من مره
مو عشان هي غلطت..عشان >يمكن< تكون غلطت...وبالنسبه للصلاه نفس الشئ...تقطعها لاتفه الاسباب
اصبع رجلي باين..اختي الصغيره دقتني..يدي باينه...نسيت الايه...زود التسبيح او نقصت في السجود والركوع
لحد ماصارت ماتصلي الا بوجود امها...عشان تردها لو غلطت...امها وابوها حاولوا يجيبوها بالنصح والهدوء..مع انهم
في المدرسه لسى حتى ماتطرقوا للصلاه..وماحد من العاييله اعطاها افكار متشدده في الصلاه او شئ..
المهم انه مافي فايده..لا بالكلام ولا شئ..حتى حاولوا يقسوا عليها شوي..يمكن تخاف وتتعدل..بس مافي امل
اليوم امها سالتها ليه تناديني اذا بتصلي..قالت لاني احس اني اشوف اشياء...بس ماعرفت تشرح لامها هذي الاشياء
تقول شافته في شباك الحمام...وسالتها امها لو تشوف احلام او شئ..او انها تنام وهي مو مرتاحه..قالت عادي
ماحلم بشي..وانام عادي...هي تقريبا امها قالت بكرا بوديها لشيخ وكذا...بس برضو اختي محتاره مو عارفه كيف تتصرف
مع بنتها في البيت...وضع جديد عليها..اتمنى لو احد فيكم...يعرف شئ..او حتى يعرف رقم طبيبه نفسيه كويسه..
بس لمجرد الاستشاره..لانها ماتبغى بنتها تستخدم ادوية او شئ..تبغى طريقه تغير فيها سلوك بنتها وتغيرها للافضل.
أخيرا...اعذروني عالاطاله بس حاولت اعطيكم اكبر قدر من المعلومات..عشان تكونوا في الصوره صح..لما تردوا علي
وثانيا ادعوا لها...بليزززز :"(
أختكم
hjlkn >>lhp]dlv lk ikh ,dfog ugd fv] ltd]>>h, pjn ]u,i>>thghlv dilkd
~{•• اللهم أنت ربي لا إله إلا أنت خلقتني وأنا عبدك،،
وأنا على عهدك ووعدك ما استطعت،،
أعوذ بك من شر ما صنعت،،
أبوء لك بنعمتك علي وأبوء لك بذنبي،،
فاغفر لي فإنه لا يغفر الذنوب إلا أنت••}~
التعديل الأخير تم بواسطة ~أنثى مخمليه~ ; 14-12-2011 الساعة 11:28 PM