::(تعذبني تعذبني وتنشدني عن الاحوال)::
تمنــيني تمنيـــني وعود(ن)فوق روس جبال=
تقول ارقي على صخر(ن )تحطم فوقها اقدامي =
تقول المــاء بذا الوادي تحري للمـطر لا سال=
تواعدني ســراب الماء وأنا جيتك و أنا ظامي =
تحط القلب في صحراء ورمضـا مابـها مقـيـال =
وتقول لعينــي اللــي بالخطر حطيــــتها نـامي=
وتسجــنـي بســجن(ن) بـابه مغلـق علـيه اقـفال =
اشوف اللليل من فوقي واشوف الموت قدامي=
تعــذبني تعــذبني وتنـــشدني عـن الاحـــوال=
وانا صامـت وفي روحي بحــار موجـــها طامي=
كلامــي دونه العـبره تـرد الصــوت والاقــوال=
عبار(ن )تشتكي هجرك ياقـاتل فرحــة ايـامي=
عبــاري ودهــا تنشـد بقلبـك عاد لي مــنزال=
وانا اشهد بالله العالي اودك والهـدف سـامي=
وانـا ودي تفكــر مــره بعــقل في ذا الحــال=
وشوف الناس من حولي يجدد جرحي الدامي =
بتـقرا قصة وعودك وغـربة خاطــري الاجــيال=
وابكتب فوق ذا القصه غريب وعـادني ضـامي =
والا مني كتبت اللي على نفسـي هموم اثــقال=
ماعاد يهمنــي بعده الـى من جفــت اقـلامي =
اتمنى ان ترتقي لذائقكم ..
::(ju`fkd ju`fkd ,jka]kd uk hghp,hg)::
التعديل الأخير تم بواسطة فوضوية مشاعر ; 09-02-2011 الساعة 02:17 AM