الا ياغايبة عني الا يالهفة المشتاق=الا يابلسم جروحي دخيلك لاتخليني
انا مخطيت في حقك ولاني من سعى بفراق=علامك تنهي العشره بربك ليه تنهيني
نسيت ايام عشناها يسمينا العرب عشاق=تذكر لازعل خلك تجي ملهوف ترضيني
انا منهو حنالك بالمشاعر شامخ الاعناق=علشانك ادوس اللي يفرق بينك وبيني
اشوف اليوم خطواتك تعذر ماتبي تنساق=ترا مهما تبي تبعد بربي ساكنن فيني
ورب البيت ياعمري حفظتك داخل الاعماق=وغيرك ماقوى يسكن بغيباتك ويلفيني
ولكن علها شمسك يجيني ضيها بشراق=وينزاح الظلام اللي من الغبه غشى عيني
احبك لعنبو الحاسد جهل ان الغلا سراق=جهل انك بغيباتك محطمني وناسيني

الموضوع الأصلي: يالهفـــة المشتاق .. || الكاتب: برق الشمال || المصدر: منتديات الأماكن

المصدر: منتديات الأماكن