سلام عليكم

ومساء الورد

كيفكم ..

حي الله زوار مدونتي

وهـ بس

امممم

أنا وعدتكم أني أنزل صور طلعتنا للبر الأسبوع الماضي

وبداية أعتذر لكم عن التأخير .. وكان بودي أنزلهم على طول ، بس انشغلت >>> الله لا يشغلنا إلا بطاعته

المهم

>>> شكلي غثيتكم بالبر وصوره، ولعله تكون الأخيرة أو على الأقل أقلل منهم .. اعذروني


اي عاد أقولكم اخترت لكم كم صورة، وطبعا كلهم بجوالي، فالمعذرة لو مو واضحة


باسم الله نبدأ


صور لمكان الكتشته :













وهذي صور الخيمة الحلوة .. صحيح صغيرة !

بس ميزتها خفيفة، وسريع نصبها، وماتاخذ محل بالسيارة







وهذا غدانا على النار .. >>> يا هو لحم حاشي بعد

تسلم يدين من سواه بس





ولحظة الغرووووب .. إهداء خاص مني لكم





وقهوة المغرب

>>> كنها شي واجب عندنا يا السعوديين





وهذا القشد وفي لغة أخرى ( الغفيص )

جنان مع القهوة .. .. بلا حلا بلا هم

والي ما يعرفه عبارة عن ( سمن - طحين بر - تمر خلاص أو سكري - شوي زبادي - ثم تحريك مع بعض )

>>> الشيف المبتسم





امممم مذاق خاص مع القهوة .. بالذات بالبر :

وربي يسلم الي ضبطه لنا





وبعد القهوة والقشد

هذي المصابيب، وفي لغة أخرى ( مراصيع )

لزيزه بشكل ..

شوفوا أنا مو أول مرة آكل زيهم .. بس بصراحة صديقي الي سواهم محترف

ماشاء الله عليه بس .. والميزة أنه طاااازا .. يعنيمن المقرصة إلى المعدة

يا لبى قلب الي سواهم بس





امممم .. وكمان مذاق خاص مع الحليب





بقولكم سالفة

وواحد من الي معنا أخطأ باسمهم وقال ( مصاريع )

>>> بوضع الصاد مكان الراء !!

هههههههههه .. ضحكنا بشكل .. ومسكناها عليه .. وصارت سالفة

>>> من زين السالفة

وبكذا أكون وصلت لنهاية الرحلة .. وقفلنا راجعين في الليل

>>> ( قفلنا ) ترا متعوب عليها

واتمنى أن تنال تلك المشاركة وهذه الرحلة استحسانكم ..

وبكل فخرأستقبل ملاحظاتكم وآراءكم

ويا هلا وغلا