الموضوع: رج ــــتي ماهي مثل اي رج ــهـ...رج ــتي من نــوع راقي ...!!
عرض مشاركة واحدة
قديم 08-12-2009, 07:18 PM
المشاركة 5
الصورة الرمزية {.. ليت أيامي حلم
{.. ليت أيامي حلم
عضو يفوق الوصف
  • غير متواجد
رد: رج ــــتي ماهي مثل اي رج ــهـ...رج ــتي من نــوع راقي ...!!
مساأأأأأأء الخير

بقولكم موقفين في السوق صاروا قبل فترة

الاول

كنا انا وعمتي ماشيين في السوق هي دخلت محل للملابس انا ماكنت ابي شي من الملابس

شفت جنب المحل في محل نعالات اكرمكم الله

دخلت المحل جلست اطالع عجبني نعال وشفت السعر عليه بـ 45 قلت في نفسي
بكاسر عاد انا مااعرف اكاسر ماعمري كاسرت اصلا يالله اتكلم واسأل عن السعر طول بعرض ومااعرف
وحليلي استحي

وكان البياع فلبيني مدري صيني مدري ياباني <<كلهم يتشابهون
المهم استجمعت قواي وقلت له خليه بـ 40
قال : لا 50 احسن ها ها ها <<ترى هو يضحك مو انا

عاد انا قلت في نفسي هاه لا ياشيخ تنكت يعني
بعدين قلت لالا اكيد اني ماسمعت عدل

قلت له خليه بـ 40
قال: لا 50 احسن ها ها ها

قلت في نفسي اشفي هذا شارب شي فاضي يقعد يستهبل علي

قلت له ترى مابشتري<<مسويه اني عصبت وانا اصلا ارتجف
قال: عادي في زبون تاني يجي يشتري<<اعطيك طراق طيب

وطلعت من المحل وانا اقول يعل ان شاءالله هالنعال يقعد على جبدك ومحد يشتريه
عشان تعرف اشلون تستهبل


الموقف الثاني اسخف منه

دخلنا انا وعمتي محل اكسسوارات جلسنا انشوف حلقان صغيره

تقريبا عشر حبات مع بعض طالعت في السعر شفته بـ72 قلت الله
اخذت واحد ثاني نفس الشي بس الشكل غير طالعت في السعر بـ 75 قلت بل

اشمعنى هذا بـ 72 وهذا بـ 75 وبعدين اصلا غالي مره
سألت البياع ليش كذا غالي هذا قال هو كذا <<لا ياشيخ يعني الحين عطيتني جواب مقنع

قال خذيهم واعطيك معاهم حلقان بـ 15 <<انا انقلب مخي كيف يعني

راح طلع لي من نفس المكان اللي اخذت منه الحلقان حلقان ثانيه على شكل قمر
قال هذا بـ 15 قلت ليش خاشينه قال بس محد يعرف عنه الا احنا البياعين

انا كذا

قال خذيه بس اذا لبستيه لا تطلعين في الشمس
<<ياشين اللي يخففون دمهم بالغصب تنكت يعني انت ويهك

طبعا عشانه علق كذا مااخذته

بس اخذنا الحلقان الاولى االغاليه

وطلعنا من المحل وبس


<<اهم شي هذا الفيس عاجبني