الموضوع
:
صفحتي .. ثرثرة وضحكة وهمسة !!
عرض مشاركة واحدة
28-03-2010, 12:48 AM
المشاركة
202
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
إنساني .. !!
أخوي
إنساني
/
وش اللي إنساني
.. ألا يا ناسيك .. موب على كيفك
إلا صدز ما علينا منك .. إنساني بنعتبرها من الإنسانيه طبعا .. موب من النسيان
<< تراك غثيته في اسمه
الله يسعد قلبك ويرفع قدرك يا طيّب .. أخرست الحرف وألجمته بكلامك الحلو .. وخليت الواحد يكلّج
ما يدري بصراحه وشلون يرد عليك
أنا اللي أوقف لك احترام على كرمك .. وأوخر الزحمه عنك وأخلي تطلب من المطعم وانت عند الباب موب بنص الشارع
ياخي الرجه تجي غصب بدون استعداد .. يعني كذا الواحد تجيه حالة اختراشه ويدرعم يصدم في خلق الله
.. يا ضحكوا .. يا طردوه وقالوا لا عاد نشوف خشتك مره ثانيه
<< شكلك تدورها
بالنسبه لقلة التواجد وقلة المشاركات .. لكم حق بهالشي .. مقصر معك ومع كثيرين .. لكن غصب .. وربك يعدلها
بعدين أنا ما أتواجد في قسمك عشان التشجيع والتعصب
.. أخاف ذا الجمهور يفلقوني بموية صحه والا يولعون بجنبي شروخ وصواريخ
أتابعه أحيانا من برا .. إذا شفت عنوان يختلف .. ووالله يا عندكم متعصبين ومتعصبات .. الله يعينهم على أنفسهم
ومن طيب ذاتك والله إنك تشوف المدونه متميزه .. تميزها يضيفه متابعتك وشرواك .. ووضع تعليقات الأعضاء فيها هو أقل شي بحقهم وعلى تشريفهم لي بتقييم أو إشاده .. ودامها صارت موضه ويقلدونها .. كويس الواحد يصير نموذج لغيره
اي تعال .. عشانك جبت طاري المدونه .. بحكم متابعتي لمدونتك .. شفت لك كتابات وبدون مجامله روعه
ما لك حق تكتب خواطر وأبيات زي هذي ولا تنزلها في الأقسام الخاصه فيها عشان تشوف ردود الفعل وتفاعل الأعضاء معها
أتمنى تنتبه لهالشي .. وتتحفنا بشي من إبداعك الخاص .. عشان نعرف نتفاهم معك ونرد عليك
بخصوص انتقاد البعض لسعد .. بالعكس شي صحي
<<وين بتاكله؟
>> إنك تشوف اللي ما تعجبهم
وطبيعي رضا الناس غايه لا تدرك .. صعب الكل يتقبل سعد أو غيره .. لكن اللي يهونها إنهم شوي
كل الامتنان لقلبك يا غالي على هالمشاعر تجاه أخوك .. وشهادة أعتز فيها من وشرواك
يسعدك ربي ويوفق خطاك في كل ما يحبه ويرضاه
™ تشاوو .. يرحمكم الله
رد مع الإقتباس