منتديات الأماكن - عرض مشاركة واحدة - صمتُ ريشة و محبرهـ جنون

23-09-2009, 06:08 AM

المشاركة 86

عضو يفوق الوصف



رد: صمتُ ريشة و محبرهـ جنون

قم ولّم الاحساس جانا الليل ..!
رتّب حنينه .. شبّ مصباحه !!

الصب ... صب وأغرق المنديل !
والموت عينه .. عين لّمــاحه !

لانام جرحه .. اشعل القنديل !
شف كيف تصحى باقي جراحه !؟

ولاحط ( آهه ) في يدينك / شيل !
يا شين ! حسّ شلون صدّاحه !!

واحضن دموعك بالخفا / لا قيل :
( ما كل ورده حب ... فواحه ) !

وقل للمواجع : اصبري .. والويل !
للي خذاه البعد .... وارياحه!

وقل للأماني : لا عطاك السيل !!
للحين فينا ... منّتي مرتاحه !!!

قلّي : احبك : قل : احبك حيل !
خل الطعون اتعيش في راحه !

تعال اقهويك الهلا والهيل !
وافتح لك الخفاق .. واجتاحه !

عاشقك شاعر من ظهور الخيل !
شاعرك عاشق حبّ ذبّاحه !!

يبرق لك الاوجاع كان تخييل !
وبرق المواصل فيك ما لاحه !!

ذبح لك عيونه عشان تسيل !!
ولحنك ( غنوه مأتم افراحه ) !!

يرسم عيونك للجدي وسهيل !
ويعدْ بسمك حبْ مسباحه !!!

اغناه حظه بالتعب / وبْخيل !؟
حظٍ حرمه يموت في راحه !

يالله تعال راح الليل ..!
خل الحنين .. وخل مصباحه !

ما طاح من كتف الليالي حيل !!
بس طاحت مع الروح تفّاحه !

ومازلت اردد : بسمتك ، فيها الفصول الأربعة
ومن الوجود اشتاق لإحساس الوجود بشوفتك