يا أنيقة آسف بشدة على هـ الحوسة
مرحباءءء
حبيت هالقصيده
من قصائد الشاعر/ سعد علوش
وحبيت تشاركوني جمالها
يا أنيقة آسف بشدة على هـ الحوسة
يا أنيقة
يا أنيقة..آسف بشدة على هـ الحوسة
غرفتي تشبه كثير أوضاعي المحيوسة
ماتوقعتك أبد بـ تجين! فاجأتيني
عالعموم الله يحيي الطلة المحروسة
وقفي..لحظات بين عيوني التعبانة
لين أرتب لك أريكة قلبي المشموسة
واجلسي بين الزراير والحشا الأفريقي
وائذني للبكي..بيذاكر معاك دروسة
شاعرك فوضاه علمته يرتب حبك
انتي ثم الحزن..ثم دموعه المحبوسة
والدموع اللي على وصلي ووصلك تنزل
ترفع بـ نزولها..أعلامنا المنكوسة
هنا انتي ماني مصدق ولاني مكذب
آه من برد الجفا ورياحه المتروسة
وإيه حنا ناس غير الناس ياحورية
رووسنا ماهيب لـ ضعاف البشر مريوسة
لافترقنا نبتسم..وليا التقينا نبكي
ويا فديت جنوننا وأشياءنا المعكوسة
مرحباا ترحيبة البدو العزيب الرحل
بـ المطر لا اروى الهشيم الماحل المعبوسة
صح هذا انتي وهذا عطرك السمياكي
وهذي بوهة وجهك اللي بـ الضحى محموسة
وهذي ربطة شعرك البيضا وذي خصلاته
كنها في زيت زيتون الشفق مغروسة
ماتغيرتي وهذا المعطف العنابي
وهذي ساعة يدك المحظوظة المنحوسة!!
لاهي اللي طالت أصابعك وأتشابكها
ولاهي اللي قريبة من عاتقك وتبوسه
وهذي مشيتك اللي من صغرك ماغيرتيها
هـ البشر يخجل يضر القاع ولا يدوسه
الجمادات الرذاذ تهمس لامريتي
مرحبا..يـ الناعس,المحشومة,الطاووسة
قولي والله إنك انتي معي..ماني مصدق
لا تلومين الحواس الشرد المهووسة
كل ماغنى لي الغيد بـ صوت مواصل
شلها قلبي وركبها على منكوسه
صورةٍ فـ البال لك كم عام تتخيلها
أقرب أحياناً من المحسوسة الملموسة
واتني لو ماكنتي فـ ايدي ولاكنتي لي
لحظتك عن عام كل ليلية مع..عروسة
الأنك الأفخم اسم..والأبسط إنسانية
والأنك الوجه التقي والطيبة المغروسة
والأني أحبك محبة عمق, ماهي نزوة
أسمى من حب الجسد وأهل الهوى ونجوسه
ياأنيقه آسف بـ شدة على هـ الحوسه
لهجتي تشبه كثير أوضاعي المحسوسة
ماسألتك ليه جيتيني ولا ضيفتك
مابي أخرٌب على جو الوصل وطقوسه
ليه جيتي؟..أسألك, وآنا أعَرف وش جابك
طاب شجر الغاب والحطاب قرٌب فوسه
لاتقولين إني أرخصتك وآنا مـَ أرخصتك
ولاتقولين اشتراك المشتري بـ فلوسه
ولاتقولين إن هـ المرة هي آخر مرة
اتركي لي حلم بعد أحلامي الميئوسة
آنا شاعر حلمه اللي سوٌى منٌه شاعر
الذهب.. والعالم الجديد.. دم ضروسه
ياأنيقة لوخذوك وسافروا بك عنٌي
الأرض صدري والسفر من قوسه اليا قوسه
ليت صيت الجد ماينفع سخيف أحفاده
وليتها هـ الحين وإن لكل شارب موسه
وليت..نقطة نقطة نقطة نقطة نقطة نقطة
مابي أغلط فـ الزمن والعالم المنفوسة
ماعرف شـ أقول .. ولا أعرف ويش أسوي!
الحزن طلٌت من أبواب الليالي روسه
انسي كل اللي حصل هـ اللحظه وضميني
يا خساة عمري اللي راح ويا ناموسه
والله إن أمٌه دعت تحت باب الكعبة
واحدٍ حطٌك فـ بيته يـ الغلا..عروسة
dh Hkdrm Nst fa]m ugn iJ hgp,sm
