منتديات الأماكن - عرض مشاركة واحدة - هل أنتِ منهن ؟ وننتظر إجابتكِ

12-09-2011, 05:23 PM

المشاركة 31



رد: هل أنتِ منهن ؟ وننتظر إجابتكِ

●●●

بعد الثناء على متصفح باذخ بالرقي والتألق
ومتابعتي لردود الاغلبيه هنا فضلت ان لااكون اول
من يصطف بالمقاعد الاولى..
لاادري ماذا اكتب ولكن كل مااريد ايصاله سيكون ردا على
اجوبتك لااكثر..

سأتكلم بالعاميه افضل ذلك بمواضيع كهذه..

1/ هل تحتفظين في غرفتكِ بـ دبدوب؟

احتفظ بكذا دبدوب لكن مو لجل شئ بس لاني اشوفه صاير
شي اساسي بغرفة كل بنيه..

2/ ما هي نوع العلاقة بينكِ وبينه؟

بصراحه ماتجمعني فيه علاقه انا احتفظ بشي مشابهه لدبدوب
لكن مو دبدوب..
احتفظ بقرد..!!
غريب شوي صح..عندي مبرر لذلك..يقولون القرود كانت انسان قبل
لكن عذبت وتحولت الى حيوانات ومادري بصحة هالحكي بس سمعت..!
ولجل هالشي وقت اضيق او يكون
بخاطري شي اتم اطالع بالقرد واقول يمكن يحس مو كان ادمي قبل
اجل افضل من غيره مو معناته وقت تغير من ادمي لحيوان مايملك
اي مشاعر فيه جانب طيب وهذا اللي راح التفت له..
طبعا عمري ماقلت هالكلام لاحد لاني ادري انه جنون وماراح يستوعب
احد لو اقوله هالكلام فحبيت احتفظ فيه لنفسي..
اجل لااحد يقول لااحد اوك..

/ وما هو رآيكِ بهذه الظاهره؟

عادي مااشوفها غريبه ولاشي مريب وماله حل كل شي يكون له
فتره معينه وتنتهي والانسان احيانا يمر بمرحله يتمنى يشكي حتى
للنمله وربي صارت تجيك فتره اتم معه وتحضنه
وتسولف له ثم خلاص وقت يجيك انسان مناسب شفت فيه
الاشياء اللي انت فاقدها بهدوء راح تتخلى عن الدبدوب..

4/ هل هي طبيعيه ام ماذا؟

اشوفها طبيعيه وجدا بعد بالنسبه للبنات عاد الكل يدري شلون
طبيعة البنت صايره فمااعتقد احد يستغرب من هالشي
لكن بالنسبه لي مااحبذ احد يحتفظ بأشياء مثل هذي وتصل
لدرجة التعلق وامور ثانيه عادي بس بوقت تقلب مزاجك
وماتشوف احد حولك الا اهوا..
في امور اخرى افضل بكثير انك تعبر عن مشاعرك فيها غير
هالدبدوب..

5/ لماذا الدبدوب وليس غيره ؟

امبلا بالنسبه لي شف غيره ومقتنعه بالقرد مو بالدبدوب عالاقل
اشوفه ادمي كان مو دبدوب حتى بالحقيقه ماتقدر تستوعبه..!!
انا رديت عالموضوع من وجهة نظري الشخصيه من دون مااحاول
ان التفت لاي تعليق..
اتمنى يتم التخلي عن امور مثل هذي لاني مااشوفها مقنعه
ولااحبذها اهيا فترة صارت معي وانتهت وقت اقتنعت ان
في امور افضل بكثير ممكن اني اقدر اعملها غير اللجوء لهاالدبدوب
اللي مادري شنو سالفته مع البنات برغم قناعتهم ان اهوا ماراح يعمل
شي لهم ولاراح يحرك ساكن بس يمكن يبونه للفضفضه..!!

موضوعك غريب شوي واتمنى اعرف بجد شنو اللي اجبرك تنزل
موضوع مثل هذا..!!
الف شكر لها المساحه الكافيه واتمنى ماقصرت بالرد..
ربي يرعاك..

●●●