الموضوع
:
سيرهـ ذاتيهـ لحياه و وفاه الأمــير طلال الرشيد
عرض مشاركة واحدة
20-03-2010, 01:55 AM
المشاركة
10
تاريخ الإنضمام :
Dec 2009
رقم العضوية :
36434
المشاركات:
13,747
رد: سيرهـ ذاتيهـ لحياه و وفاه الأمــير طلال الرشيد
وهذا نجله نواف
والله ماقصرت يا مشعل
واللي اضافو بعد ماقصرتو وربي
لم اجد هنا سوى ابيات ترثى الامير الشااعر رحمه الله عليه
اضعها بين اياديكم
كم بقى غيرك يسلّي ياطلال..؟؟
...........................كم بقى من المجد..والعز التليد..؟؟
كم بقى يامارثة تال العيال
.............................خلّن اسكت والسوالف ماتفيد..!!
ياللي طيبك بين عم وبين خال
.................................ياللي بعمرك ماعرفت المناقيد
يامير ياللي تستوي بالف رجّال
............................هو يفيد الدمع لو يكتب قصيد..؟؟
ياموت مالي حيله اليوم واحتال
.................................مالي جدا ياكود حرّ التناهيد
هو ليه تاخذ مننا طيب الفال
...............................اللي بفزعاته يعزّ المضاهيد
هذي عيوني منّها الدمع همّال
..............................ماغير اشاهق في مسا رابع العيد
سلمى تهلّ دموعها لاطرف الجال
........................واجا يجاوب دمعته كل صنديد
وهذاك اعيرف بالعزا يرثي الحال
........................يشكي على برزان قصر الاواليد
حتى الشمال لغيبتك ضايق البال
....................وهضاب نجد تحدّر الدمع للبيد
وارض الجزيره شقّت الثوب بالحال
...................من يوم سمعت للخبر صار ترديد
شمّر لموتك حملها حمل الاجبال
.............................من موتة الغيله الى موتة الكيد
الله يرزق روحك العز وظلال
........................في جنان الخلد في رتبة شهيد
والله يصبّر امّك بكل منوال
............................يالضيغمي يالحر يالشهم الفقيد
اطلب الله يغفر لروحك طلال
...........................والعزى باللي بقى من آل الرشيد
الشاعر/ حمد الضوي
ومن الساحات فهد عافت ينعى فقيدنا الغالي حين يرحل الكرام ، تلتبس الأمور على أحبابهم ،
وأنا أتلقى هذا الخبر الصاعق لم أجد سوى فهد عافت وهو يناجي روح صديقه الراحل..
كفو هي مالها إلا واحد ٍ مثلك شديد الباس
........................إلى ضاقت على الحر .. الكريم وخانت .. اظروفه
كفو من أول حدود الأمل لآخر حدود الياس
..........................ولا به ياس دام انك هناك .. ولك بها .. شوفه
ابو نواف ..أبو كل النوايف رافعات الراس
........................ولد عبدالعزيز .. اللي .. حياته .. كانت .. احتوفه
طلال وقبل احدر حاجتي يرقا لها قرناس
.......................كثر عرفه بجهلي شفت انا .. جهله .. بمعروفه
جلس مثل الرضا في قلب من صلى العشا بنعاس
................................وقف مثل العفو هو.. فيه مثله ساعة اوقوفه؟
عزيز ٍ في الحياه ليا صمد ماكن فيه إحساس
..........................ذليلٍ في الصلاة اليا سجد ما قام من خوفه
كريم ٍ والله إنه يستحي من ردت الأنفاس
........................إلى منه عطاها .. للهبوب .. ودت ..الــ جوفه
وش أكتب يالقلم يالمحبرة يالليل يالقرطاس
..................تعزبت .. المعاني .. والمعاني .. كانت .. ضيوفه
كفو .. ماهي كفو اللي صارت لحيْ الله من الناس
.........................كفو للي كفو لو كملوها صارت كفو ..فه
الشاعر / فهد بن عافت الشمري
ياعيد ما شافت لياليك .. الافراح
...............يومك لفيت بموجعات .. الجراحي
يا عيد وش علمك.. تجينا بالاتراح
..................والرب حطك بهجة ٍ ..وانشراحي؟
ياعيد صيدات المنايا بالاصحاح
................. توجع قلوب الخيرين .. الصحاحي
يا عيد لو طرنا عن الموت بجناح
...............مايخطي المخلاب .. عظم الجناحي
نجزع على فرقا عزيز ٍاليا انزاح
................وتغادر البسمة .. جميع .. النواحي
ماجور يا نواف في فاضل ٍ راح
...................و يجبر عزى حي ٍ خنقه الصياحي
يالضيغمي نبكيك مع كل .. نواح
......................ونجعل لك الدمع المحرم مباحي
.
.
.
ربيع حائل
لا تعزون شمر والرشيد
................ عزوا الكون كله في طلال
عزوا العز00 وحروف القصيد
..................وعزوا الهيل مع صفر الدلال
عزوا اللي لفزعاته يريد
...................وعزوا اللي شكى ضيم الليال
عزوا الخيل والحلم0 البعيد
.................... وعزوا الغيم00 عزوا هالخيال
عزوا الليل وسهيل البعيد
................... وعزوا ألارض كلها والجبال
عزوا الصدق واخلاق الشهيد
...................وعزوا الدمع 0يوم الدمع سال
لا تعزون شمر والرشيد
.................. عزوا اللي عرف 00منهو طلال
وارث اللي لهم مجد(ن) تليد
...................... معتلين المفاخر والفعال
الجنايز هل الراي السديد
........................ما يهابون موت ولا قتال
آه وان قلتها مابه نقيد
.......................آه ويلاه 00 من فرقى طلال
أبو نواف 0 مفراص الحديد
..................... كلنا من رحيله في هيال
أبو نواف مزبان الزهيد
................ من رحيله صرخ كل الشمال
أبو نواف0 وان قلنا فقيد
.................... اشهد انه0 فقيده يارجال
لا تعزون شمر والرشيد
....................عزوا الكون كله في طلال
.
.
.
طلال العبدالله الرشيد ( العطيب )
طلال شموخ وعزه هذا من يحق لنا أن نبكيه
طلال العبدالعزيز الرشيد
[ فارسُ ] ترجل
[ وشاعر ُ] وضع قلمه ورحل
وكريمُ فقدته بيوت كان بسلماً لجراحها
سليل نسب وحسب
جمع المجد من أطرافه
تواضع وأريحية
كرمُ وجود
خلقُ وحسن تعامل
شموخُ وعزة
هذا هو فارسنا وأميرنا الراحل
هذا من يحق لنا أن نبكيه
من يجدر بنا أن نسطّر
القصائد والكلمات في مراثيه
فعلى مثله تسفحٌ العبرات
وعلى مثله تحزن القلوب
طالت هذا الشامخ يد الغدر
شلّت من يدٍ وبترت
ورحم الله جسداً دفن تحت الثرى
ظلماً وغدراً وعدواناً
رحم الله نفساً كريمهً طيبهً لها في ميادين
الخير والبذل ما نعلمه وما لا نعلمه
رحمك الله يا ... أبا نواف
رحمك الله وثبتك وغفر ذنبك
وجعل جنان الخلد مثواك
ونوّر الله قبراً حواك
وأقتص ممن لوث يديه بدماك
ورعى الله اشبالك اليتامي
وجعلهم من الصالحين الداعين لك
اللهم آمين
خيال الاصيلهـ
فارس شمر
احييك على هذه الموسوعه
واسمح لي مشاركتك
دمت للشعر استاذه
وأبلغُوا ذاك الذِي غاب عني: ما أوفاهُ فالحُلم وما أجملُه !
رد مع الإقتباس