الموضوع
:
السلام عليكم يا قماعة الربع ... يالله حي الرقاقيل والنساوين بعد
عرض مشاركة واحدة
02-05-2002, 02:05 PM
المشاركة
18
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
الله يرجكم ... حسيت إني داخل مطبخ شقة المنسمين
أول ما دخلت وشفت هالاسماء :
كاسه وصينيه ومفتاح صلصه وقلايه والكاتم .. قلت وش ذا الأدوات ما بقى إلا طريقة التحضير والمواد <<< وش مواده ناوي تبني بيت انت ::13::
لكن بصراحه أخجلتوا تواضعنا يا حلوين ،،،114
والآن
الأخ القاتل
الله يسلمك أخوي .. مع إن اسمك يخوف لكن بين إنه تمويه <<< يزين العلاقه معه ؛؛23
إما من ناحية (فنان) فكثر منها ... فنان بدون عود << مافيه أمل أحد يتعاقد معه على فيديوكليب :؛3
تحياتي
==========
الأخت الهنوف
شكرا على الترحيب يا المنسمه (أسفرت وأنورت والمديره فحطت) <<< شكلها طالبه حاقده :1
تحياتي
==========
الأخ العيار
أو بهجوه الأباصيري سابقاً <<< أنواع الفضايح ،،،2
أول ما قريت كلامك ... تخيلت إني أشوف مسلسل بدوي عقب صلاة المغرب في القناة الأولى <<< خابصين أم اللهجة البدوية ،،445698
وعلى طاري البعير الغمارتين وتقشيره بالأسنان .. ذكرتني بهالنكته :
يقول لك واحد حضري راح يشتري بعير .. جا لواحد عنده بعيرين واحد بارك (يعني متربع وجالس للي ما يعرف بارك
) والثاني واقف ... قال : إديني هادا الواقف وطبقه زي التاني ::13::
شكرا على الترحيب أخوي وهذا من طيب معدنك
تشاوووو
==========
الأخ هنيدي (( شيخ الغفر ))
يعطيك العافيه أخوي .. أما من ناحية أمسحها في وجهك فكثر منها <<< وين وجهك سبوره :؛3 ههههههههه شفني ضحكت
تحياتي يا عزيزي
==========
الأخ مدري الأخت كاسه
المنتدى منور بأهله ... وقولي آمين جعلك ما تنكسرين << لازال يظن إنه بمطبخ المنسمين
تسلم مدري تسلمين
تحياتي
==========
عميمتنا الطيبه
أخبارتس يا غاليه
وأخبار العنقليزي .. ومدرسة عقب العصر <<<< لا تكونين سويتي مثل العجيّز اللي درست العصر وراحت أول يوم وثاني يوم بعدها زعلت ما راحت ... سألوها ليش ما تروحين ... قالت : أجل حنا نروح لهم ما يجونا 556..::
تحياتي يا غاليه
==========
الأخت المنسمه بنت النور
حرام عليك .. معقول أنسى أم لمبه ؛؛23
أول ما قريت ذا الترحيب .. حسبت انك بتقولين نشيد الصباح <<< عاد تسنه يعرف نشيد الصباح هو وخشته ،،،545
It`s my pleasure to be in this forum with you, crazy guys
تحياتي
==========
الأخ المنسم بقوه شهبوني الأشهب
ياخي وش ذا الترحيب .. طبول وحركات .. توني بأقول : ورا ورا ورا بس خفت أوصل منتديات مهيب لنا 556..:: ؛؛23 :؛3
أما تفعلية السامري فكثر منها هههههههههههه ... أنا ما أعرف إلا نوته وخبيتي بعد <<< يصرف عيني عينك ،،،2
شكرا على الترحيب يا غالي والله يكثر من التنسيم في هالمنتدى
تحياتي
==========
الأخت صينية
تشنغ تشانغ تشونغ كونغ فو <<< يرحب بالصيني على باله لغتهم :1
أشكرك على الترحيب
تحياتي
==========
الأخ مفتاح صلصه
ياخي شكلك متـثلم من كثر ما تفتح قواطي ،،،2 <<< علشانه قايل له يبي لك ترصيص
أشكرك أخوي على الترحيب الحلو
تحياتي
==========
الأخت القلايه
الله يسلمك وهذا من طيبك
لكن ولا يهمك ... أنا عليّ أشتري البيض <<< وده بشكشوكه :؛3
تحياتي
==========
الأخت المنسمه عابطتها
الله يسلمك على هالترحيب الطويل مع إنه مشوار وآخرتها كلمتين لكنها غالية من غالية <<< خانه التعبير والإملاء
تحياتي
==========
الأخ ابوريان 961
شكرا أخوي على ترحيبك
لكن .. ناظر التوقيع .. أنا قلت الحين موقع على شيك <<< ينتظر شرهه ...55485
تحياتي يا غالي
==========
الأخ الكاتم
مع إنك ناقل ترحيب الباقين << شكله زول ما وده يكتب
... لكن مشكور يا أخوي
الا على فكره ... خلّص الغداء؟ ،،،545
تحياتي يا حلو
==========
الأخت المنسمه فجر الشوق
اصلا السالفه وشو ... <<< عاش التصريف ؛:2
أما قصة السفر لزمبابوي أسوي عملية تجميل فكثري منها ::13:: ... ليه شايفتني صباح على غفله اللي من كثر الشد اللهم لك الحمد جبهتها وصلت كتوفها ؛:4 :؛3 << من زينك انت وجبهتك
تحياتي يا غاليه
مؤشر يلامس هذا التصميم
فيصدح "
صوت أخاذ"
بترنيمة مؤثرة
تحاكي بعضاً من
إحساس مكبوت
أتعب الحال
تـنـــويه :
(
حرفي/ بقلمي ولا حلل الله اللاطشون
)
عبارة أتمنى أن تجد صداها في كل ضمير حي
سامح الله من تراجع عن خطأه في استعارة أحرفي
ومن استمر .. فالله حسبنا وحسبه !!