ابوي بقوة ايمانه يقول اصبر يجيك الدور
الغالين في صرح الاماكن الشامخ سمعتوا قصيدة
فيصل اليامي المغناه < اولاد حارتنا > استفزتني فجاريتها
لم اكن انوي النشر ولكن سؤال احد الاخوات في قسم الراي
اعادني للوراء اتمنى ان تحوز الرضى .....
مدخل:
لو ان الوقت يافيصل رجوعه يحيي المقبور=لو انه لو رجع يرجع شموخ العـز شمعتنـا
دعيت بسجدتي ربي واقول ارجع زمنا دهور=لجل يرجع هذاك اللي وجوده سـر هيبتنـا
ابوي
بقوة ايمانه يقول اصبر يجيـك الـدور=طريـق الحـق يانـواف نهايتنـا وكتبتنـا
رحمك الله ياشيخ ٍ بـدار الحاتمـي مقبـور=عساك بجنة ٍ خضرا وتنزل مـع صحابتنـا
واليكم النص ....
والعذر والسموحه على رداة الصوت
الآ يافيصل اليامي تبـي هـذا الزمـان يـدور=قسـم بالله لـو دار الزمـن ماعشـت عيشتنـا
زمان ٍ عشت به ولى مابين المهزلـه والجـور=شياطيـن البشـر يومـك تبّسـم سـر لوعتنـا
ويوم انك مع الطلاب تخبـي علبـة الطبشـور=انا امسح عن عيون امي دمـوع بشرهـا جتنـا
تفرفش تضحك وتلعب تنط احيان فوق السـور=وانا هايم على وجهي بلشـت بقـوت عيشتنـا
يتيـم ٍ هزتـه دنيـاه وهـده حظـه المثبـور=صغير ٍ خط باقلامه < شنب > في وجه دنيتنـا
انا اكبرهم وعمري عشر ... ثلاثه فوقها وشهور=كسرت اللعبـه يافيصـل وحنـا همـوم هدتّنـا
ودار الوقت يافيصل وصرت بهالزمن منصـور=تعلمنـا تخرجنـا وزدنــا فــي معزتـنـا
عقب سرج الظلام بزر يشع بهالزمـان النـور=عقب طين ٍ تخر الماء قصـور العـز ضمتنـا
نحط الوقت عذر انه تغير فيه صـدق شعـور=انـا ماغيـر احبابـي زمــن زاد بمحبتـنـا
انا مدري تـرا منهـو ولكـن قالهـا مشهـور=نعيب الوقت < يافيصل > اثاري العيـب سبتنـا
الا يافيصل اليامي تبـي هـذا الزمـان يـدور=قسـم بالله لـو دار الزمـن ماعشـت عيشتنـا
للتوضيح : < صغير ٍ خط باقلامه < شنب > في وجه دنيتنـا >
كنت وانا صغير ارسم شنب على وجهي ابصير رجال بسرعه
هذا معنى الشطر واي توضيح حاضر ..
مخرج :
" سبحانك اللهم وبحمدك ، أشهد أن لا إله إلا أنت أستغفرك وأتوب إليك "
بقلم نواف بندر
تاريخ اول نشر للقصيده 16 \ 6 \ 2007 م
""
""
""
hf,d fr,m hdlhki dr,g hwfv d[d; hg],v