الموضوع: تحب الاماكن تبيها افضل .. وش تبي نسوي عشان تكون مبسوط
عرض مشاركة واحدة
قديم 09-04-2012, 03:18 PM
المشاركة 2
الصورة الرمزية امبراطور الشعر

 

  • غير متواجد
رد: تحب الاماكن تبيها افضل .. وش تبي نسوي عشان تكون مبسوط
بعد الصلاة والسلام على حبيبنا محمد وعلى آله وصحبه وسلم
وعليكم السلام ورحمة الله وبركاته

ياشمالي يامنى الانوار قد جاك الجنوبي =والحقيقة اظلمة يوم السما تجهم بروق
والمطر يعصف بنا عصف اللوايح والهبوبي=والليالي كلها بعد المطر تردع حروق
ويابري حالي من اقوال القبايل والعروبي=ويابري حالي اذا هي اغربت بعد الشروق
كن مابين القنا والتيه وعذال الطروبي=بينها بين الوجن والاه وقطاع الطروق


اشكرك على طرح الموضوع وللاسف موضوع سعد الرجه مع انه انفتح وتكلمنا
حسيت اني ماقلت شي احس اننا جالسين ندور في حلقه مغلقه

راح ادخل في الموضوع واقول طلباتي عشان اكون مبسوووووط

1- الشورى ياجماعه الشورى مانبي شي يصير بتخطيط نفر نبي المجموعه يتشاورون في كل شي
والمجموعه اكيد هم الاداره مشرف ومراقب قسم ومراقب عام واداره مانبي قليل يخططون ونحن نمشي
بصراحة انا لي راي ولي كلمة مثل ما للـ 4 او الـ 5 لهم راي سبحان الله يحطون لي موضوع مميز ويبغوني الا امن ان
هذا الموضوع مميز او هذا العضو مميز لا ياجماعه اذا انتم اربع او خمس تخططون وتبغون توهموني ان هذا
الموضوع مميز او هذا العضو مميز او هذا القسم مميز فتاكدووا ان فيه اكثر من 5 يقولون ان
اختياركم خطا فليه تعرضوا نفسكم للكلام اعطونا الشورى خلونا نتفق ونوصل لحلول الامر ماهو صعب
انا اعترررررررض

2- مشرف مره بليد مايشتغل مايسوي شي وكثير غياب وقسم طايح وماهو شغال >> اركز على الاثنين
جيت اخر الشهر الا هم مميزين >> احس بمغص عجيب يوم اشوف كذا
انتوا تلعبوا على اللحي ؟ والا تضحكوا على الدقون !!
ياجمااااعه اذا انتم قصدكم تشجعون القسم او المشرف صدقوني انتم تخسرونه لانه هو بيستعجب
انا من الناس اللي كنت اتكلم مع كذا مشرف ومشرفه والله يقولون انهم متعجبين>>راعي الامر متعجب
اتمنى الصراحة تقال وان الامور تكون سهله وميسره فديتكم حبايب البي

3- اعضاء قداما في الاماكن ذهبوا ويمكن نشوف لهم تواجد من بين وقت للثاني بعطي امثله
ليت ايامي حلم .. مبسوطه .. الحر القطامي .. سندريلا .. وغيرهم
العجيب انهم بيتواجدوا وانا مانكر اني حاولت اكلمهم يرجعون بس ليه الاداره ماهي مهتمه
يعني هذولا الاعضاء يوم كانوا في الاماكن ماسوو شي اللحين اقل واحد فيهم عدد مشاركاته 2000 تقريبا
ارجوا ان الاداره تهتم في القداما شوي>> لاني احس نفسي وشوي اصير تراث

4- فارس الاسبوع .. مشكله جديده الاماكن ماتعي وين الخلل فيه ولكن على حسب نظري
ياسر عضو جديد في الاماكن توه مسجل ماله اسبوع بس ماشاء الله عليه شارك 100 مشاركه
والمانشستراوي مسكييييييين ماااره اسبوع وهو يسوي مشاركات ويتعب حاله وفي نهاية الاسبوع
يجي ياسر اللي توه مسجل ياخذ لقب ( فارس الاسبوع )
والله انا ياسر راح استعجب واقول معقوله انا فارس الاسبوع وانا اشوف المانشستراوي كل يوم يكرف ويتعب واحسن مني
وبيني وبينكم راح احس ان فيه عطل في المنتدى وانهم حتى لو اكرموني فيه عيب في الاختيار ومع نفسي
حتى لو كملت ثلاث اربع ايام راح اترك الاماكن >> الا قليل وهذا نادر جدا
تعرفون المان صديقي وحبيب قلبي ورجال كفو ونعم الرجال رجال عتيبه وما ضربت المثل فيه الا من حبي له
واذا زعل له حق عندي



5- اختيار المشرفين والمراقيبين العام غلط في غلط واكاد اجزم ان فيه غش يحصل من بين الجميع
ماقصدت احد ولم انعي احد بهذا الكلام اتمنى تمني من الله عز وجل اللي ماهو قد الامانه يترك المنصب الان
ويتذكر قوله تعالى { إِنَّ اللهَ يَأْمُرُكُمْ أَنْ تُؤَدُّوا الأَمَانَاتِ إِلَى أَهْلِهَا }
ويتذكر قول الرسول صلى الله عليه وسلم { كلكم راع وكلكم مسؤول عن رعيته }
واذا يا جماعة الاماكن شفتو إمبراطور الشعر هو الشخص اللي مسبب هالضعف وهو اللي مسبب الغش
والتكدير والجفا الان شمالي عيار خلود انا من الان مقدم تنااازل
مابي يوم القيامة ربي يسالني ليه ظلمة هذا وهذاك وتلك لقاء ربي وسؤواله ارهب من اني اغش اليوم
وعلى فكرى حسبي الله ونعم الوكيل على من غشني ونافق علي وماسامحه لادنيا ولا اخره

6- الخلود .. ماقصرتي في عالم الاماكن ولم اراك يوما قلتي لاحد لا والكل مثل اخوانك واحسك راعية وفاء ..كلمة حق
شمالي العيار .. تدرون انكم انتم اللبنه الاساسيه للمنتدى والا تبوني اجي افحط معاكم
انا من الناس اللي لمن اشوف العيار او شمالي موجودين تتولج القريحه عندي وابتدي بالمشاركات طيب حاولوا
تتواجدوا اطال الله في اعماركم كل يوم في كل الاوقات ماهي صعبه لو من الجوال حسسونا ان الادراه فيه
كذا استمروا شهر كامل تواجدوا ياناس سووا ردود من بين ساعه لساعه يعني في اليوم 24 مشاركه كل ساعه مشاركه
والله الجفا يموت العزيمه وانا عندي عزيمه وابي اشارك يالله قووموووووووا

وش ياربي كمان عشان اكون مبسووووط


يب

7- المواضيع المتجدده .. لاهي عيب ولا هي حرام ولا هي غلط والاند نفس الكلام فاتمنى لا تقتصرون
النظر الى من يلتزم هذه الامكنه بالتقصير ارجوكم طالعوا في ابداعاته هو يعني انا اشوف كذا عضو وربي مبدعين
نبي فقط تقديس للابداع والمبدعين فارجوا النظر

8- فيه اقسام فاضيه ماعليها مشرفين ياليت تشوفون مشرفين ..

9- تكلمنا في موضوع التوقيع اللي يصاحبه اغاني وقلنا لا وخلاص اتفقنا >> يازينك يامبراطور

10- برجع لموضوع الصور النسائيه في ما سبق ناقشتني الخلود بادله شرعيه وقلت لها مدام الامور فيها ادله
انا اول من يوافق على اي شي ينصه الشارع الحكيم بدون اي تعلل ولا تكلل وماعلي الا السمع والطاعه
ياناس احسكم قلبتم بنات المنتدى بويات هههههههههه
شوفوا ياجماعه الخير اللحين تبو تقنعوني انكم ماتتفرجوا افلام دراميه في الامبي سي وغيرها من القنوات ؟!
طيب ماعليه مقتضى ان العضوه ماتحط صورة نسائيه او العضو مايحط صورة نسائيه في موضوعه ليه عممتم ؟
ليه ما خصيتم الموضوع وقلتوا ان البنت اللي مبينه كتفها ممنوع او اللي مبينه صدرها ممنوع ليه الكل !!
انا جبت لكم عينات من الصور ماعرف هل انتم مره متشددين لاهذا الحد >> ارجوا ان مايطلع لي واحد يقول لي انت زنديق

قولوا بسم الله وناظروا باحتراااااام





















^^

الاخيره بسم الله طالعوا زي ماتبون

بالله فيه شي مخل بالادب ؟ انتم ماحسبتم ان الاماكن منتدى في عالم الانترنت وان ممكن بكرى
تجي او يجي لبناني او مصري او اكميكي او او او او ويشوف كذا ويقول وش هذا التعقيد
انتم فقط سووا حدود اي نعم فيه صور مخله بالادب انا امنعها ولكن هذي الصور فيها شي
الى حد اللحين اشوف ان اللي حطيتهم عادي جدا يعني لا تثير ولا هم يحزنون !!
هذا رائي انا احترمه وانتم بكيفكم بس مدام

شمالي حط الموضوع وقال تكلموا ياليت ولا صورة تنحذف انا حطيت 9 صور وناقشتكم
ولي ساعه ونص اكتب لو صوره وحده تنحذف راح اعتبر المنتدى مازال يريد النهوض الى الوراء
ناقشوني وافتوني في امري اذا كنت مخطي انا ارجع عن خطئي اذا كنت صحيح فلا تكابروا وتقولوا لا
انا من الان مستعد للنقاش واللي يبي يهاجم وفقط تروني شاعر هجائي >>اتغشمر

شمالي انت اكثر من اخ وانت تعرف وش اللي بيني وبينك من اخاء وحب وتقدير
حتى اكاد اجزم انت اخي الذي لم تلده امي

انتظر تقييماتكم

هذا وصلى الله على سيدنا محمد وعلى اله وصحبه وسلم تسليما كثيرا


يسوووووووور القحطآآآآآني




آيه فِي كِتآبِ الله تسكب فِي قَلب المؤمن الثقِه بالله والطمع في عظيم بِره وفضله ؛
تأمل قول إبرآهيم عن ربه ( إنه كآن بي حفيا ) أي: كثير الحفآوه بي ، والإكرآم لي ،
سأدعوه وسيستجب دعائي ، ومن آراد أن يعلم مقآمه عند ربه ، فلينظر مقام ربه عنده .


ماهو شرف يوم أني ابدع قصيدة=ماهو شرف املك دروع وسايم
كل الشرف في نظرتي صوت اشيدة=اتلو بها قران رب العظايم

مآتشرفني ( ثلاث القاب ) في الدنيآ ! . . ولا ودي بـــها
قاطع صلاة .. وعآصيٍ أمه وبوه ( الوالدين ) .. وحق بنآت
وأسأل الله .. الغنى والعآفية .. والستر .. هو يدري بــها
وأسأل الله .. التقى .. والخير .. والانصـاف .. وبالله الثبآت


كل ما خط من كلمآت الشاعر
/
\
/
ياسر بن محمد القحطآني
’,
( إمبرآطور الشعــر )



التوقيع الأول : الملكة أم عبدالرحمن سلمت أناملك
التوقيع الثاني : الأميرة أغلى حبيبه سلمت أناملك

ترقبوآ لقاء العمالقه ( إمبراطور الشعر && شيهآنة أبوي ) عما قريب دويتوآ