الموضوع
:
صفحتي .. ثرثرة وضحكة وهمسة !!
عرض مشاركة واحدة
27-11-2011, 01:35 AM
المشاركة
286
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
راعي نيميل .. أد الدنيا .. !!
فيني جرح
وبالحيل حساس
ومن بعض ناس
فيني صدمه
وعشان يخف الجرح
وأسلي الاحساس
دايم عندي حكمه :
اضحك لـ "راعي النيميل" .. ويضحك لك
لازم أضحك بيني وبين نفسي .. حتى لو أسولف عليكم
صاحبي راعي النيميل الله يصلحه
ويسعده
قبل مده .. وحنا طالعين من الدوام .. زي كل مره لازم يسولف عليّ ويأخرني شوي
لدرجة إني مشبهه بالحريم
<< بيجيك صحن على جبهتك الحين
أقوله انت مثل بعض الحريم .. ما تزين سوالفهم وتكثر الا اذا بغوا يطلعون من عند ناس
يوقفون ساعه عند الباب عشان يقولون مع السلامه
<< المشكله يعيدون نفس السوالف اللي قالوها وهم يتقهوون
المهم قالي : أبشرك .. صار معي أفالون!
قلت : ما شاء الله تبارك الله .. الله يعطيك خيرها ويكفيك شرها
بشر بس عسى ما اشتريتها غاليه .. والا ماخذها تقسيط
قال : لا .. ما دفعت ولا ريال .. هديه من المدام!
أنا انبهرت
.. ولأني أعرف إن حرمته جلده بنت جلود
.. زي أهلها
لو تشوفه يموت ما عطته مويه .. خل عاد تعطيه أفالون
قلت : أجل أبو المدام مات وهي ورثت؟!
طنقر
.. وقال : فال الله ولا فالك .. بسم الله على خالي << يا حنين انت
قلت : طيب يا حلو .. يالله افتح الأفالون خل نشوفها .. وركبنا معك شوي << تبطي عظم
ويكع ذيتس الضحتسه وهو يستهزي .. ويقول : انتم يالقراوى وش عرفكم أصلا في التقنيه ومستجداتها!
قلت : انحش .. تقنيه والا مهني كح كح .. وحطيتنا قراوى يابو خلاقين!
وش تقنيته الله ياخذ عقل العدو اللي تحتسي عنها؟!
ويدخل يده في جيبه اليمين .. على بالي بيطلع مفتاح سيارته
اللوح .. طلع جهاز آيفون
قلت : وش ذا؟ ما قلتلك عطني أكلم؟
.. وين مفتاح السياره؟!
ويستمر ضاحتساً .. حاتسياً
: يا نايم محد جاب طاري سيارات .. قايلك من جنبها انت والتقنيه ما تعرف فيها شي
هذا جوال أفالون
عاد .. أنا دوروني ما تلقوني وقتها .. طق فيني عرق
مع خنقة ضحتس عيا يطلع من تريقته علي وهو درج أصلا
قلت : هذا الحين يقاله أفالون يا كمخه؟!
الا ما ودك أشمع ذا الافالون اللي تقول .. في جبهتك لين تطبع فيها تفاحة أبل وتصير تسنك متسوي بين عيونك
.. عشان تعرف ان اسمه آيفون مب أفالون؟!
بكل برود رد : يا رجال وسع صدرك .. ترى الدعوى تشابه أسماء!
يا ناس وش أسوي به؟!
صح يرفع ضغطي .. بس يوسع صدري حتى وهو غايب الله يسعده
خلاص .. أبشركم استانست .. والجرح مدري وين راح
ask me
™
تشاوو .. يرحمكم الله
رد مع الإقتباس