الموضوع
:
صفحتي .. ثرثرة وضحكة وهمسة !!
عرض مشاركة واحدة
21-02-2012, 12:17 AM
المشاركة
296
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
راعي النيميل .. و .. الاصطب ..!!
استكمالا لبعض سوالف صاحبنا راعي النيميل .. وسالفة الأفالون اللي فوق
جاني بعدها .. سألني :
على طاري الآيفون .. عندك اصطب؟!
قلت : وش اصطبه .. شايفني التشليح والا محل قطع غيار؟!
كمل باستهتار :
ياخي انت لين متى نعلمك التقنيه ودهاليزها
ياخي واصطب عشان أقدر أكسّتك وتكسّتني!
وتطير عيوني زود .. وأقعد أفكر .. أكسّتك وتكسّتكني!!
لا يكون يبي سلف .. ومن باب الدلع والتميلح
مسوي فيها أبو شكيب يقول أكستك وهو قصده أقسطك وتقسطني
لأني أعرفه راعي سلفيات وأقساط
قلت .. وخر عني ما أسلف ناس تجحد مثلك وشرواك
طالعني بعين .. قال :
أنا آخر عمري أجيك أتسلف منك؟!
قلت : اقعد يالنسخه السعوديه من ستيف جوبز
قال :
اقصد واصطب حق الايفون ترسلي حركات وأرسل لك
قلت عمى يعمي قلبك .. شكل ستيف جوبز ما جته الجلطه الا يوم درى انك شاري من أجهزته
قصدك واتس أب يا لوح
قال :
كلها حول بعض يا رجال .. المهم عندك شي يوسع الصدر دزه لي
وأقوم أرسله مقطع استهبال مغبر من اليوتيوب مصور عام 2007
اللوح مات من الضحك يقول
يخرب بيت التقنيه اللي تسذا
<< أول مره يشوفه
™
تشاوو .. يرحمكم الله
رد مع الإقتباس