ابيات شعريه وكلمات رومنسيه في عشقي للنصر
ربـي مميـز نـادي النصـر فالكـون
الشمس صفراء والسمـاء دوم زرقـا
مطابقـه بالوصـف والفعـل واللـون
مهمـا تغيـب تعـود تسطـع وتبقـا
له ماضي(ن) كل البشر عنـه يـدرون
وله ماضي(ن) أصفى من الغيـر وأنقـا
أصدح بهـا وأقـول وأنتـم توّحـون
له ماضي(ن) مثبوت ماهـوب سرقـا
وله عادت(ن) مهما يغيـب ويقولـون
دايـم بنـاره يحـرق الخصـم حرقـا
ياما عطانـا أمجـاد ولحـون وفنـون
(( يطرب لها فوق الغصن طير ورقـا ))
وإذا نـزل كـل الجماهيـر يقفـون
رمـز الوفـاء مابينهـم شبـه طرقـا
جمهورهـم ذويـق واعـي ويوفـون
على الحلـو والمـر فـي كـل ملقـا
لا والله إلاّ عـاد وإبليـس ملـعـون
ونبا نشوف أفراح (وحلـوق شرقـا)
ويوم الثلوث إن كان عشتو تشوفـون
العالمـي فـوق المنـصـات يـرقـا
يبـا يسـر عيـون ويبكـي عيـون
وتشوف بعض النـاس بالدمـع غرقـا
ويعود فارس نجـد والحـب مكنـون
ويسطع شعاع الشمس غرب(ن) وشرقا
وموج البحر من ضربة الشمس مضمون
ومابين عـالِ الكـون والقـاع فرقـا
ولاهي غريبة نصرنـا اليـوم مـوزون
مادام فيهـم نسـل روق(ن) وبرقـا
hfdhj auvdi ,;glhj v,lksdi td uard ggkwv
