الموضوع: رج ــــتي ماهي مثل اي رج ــهـ...رج ــتي من نــوع راقي ...!!
عرض مشاركة واحدة
قديم 11-02-2010, 08:54 AM
المشاركة 63
الصورة الرمزية {.. ليت أيامي حلم
{.. ليت أيامي حلم
عضو يفوق الوصف
  • غير متواجد
رد: رج ــــتي ماهي مثل اي رج ــهـ...رج ــتي من نــوع راقي ...!!
نعود لسالفة الباصات

اقولكم السالفه الثانيه


بعد ما خلصت ثاني ثنوي رحت ثالث<<لا يا شيخه احلفي طيب مارحتي اول ابتدائي

طبعا وكالعاده وهي سنة الحياة لازم ارجع مع الباص

بس اشوى كانوا مغيرين السواق جابوا سعودي عمره في ال 30 او ال40 هيك شي مكشخ

مطول شعره ويلبس لي نظارات شمسيه يبي يسوي انه وسيم <<مادرى الوسامه متبريه منه

المهم بعد فترة من ركوبي الباص

صرت اسمعه اذا ركبت يرحب فيني <<ليه عزومه

يعني يقول مثلا هلا والله.. هلا وغلا..واحيان حياك الله !!! واذا نزلت يقول مع السلامه والا

درب السلامه والا انتبهي لنفسك !!

انا قلت في نفسي اشفيه هذا يكلمني

لالا اكيد اني اتوهم وقاعده اوسوس يابنت اعقلي وشيلي هالخرابيط من راسك

بس شفت لا اسمعه يقول اكثر من مره قلت يمكن عباتي فيها شي يمكن ملفته يمكن غطاي شفاف سألت اكثر من وحده غطاي شفاف عباتي مخصره شي ؟قالوا لي لا

مع ان في بنات نص وجه طالع والثاني مغطى مثل قبطان البحر اللي شسمه هذا المهم

مره من المرات غبت يوم عن المدرسه اليوم الثاني رحت بركب الباص شفته فاضي يعني

للحين محد جا من البنات كنت بنزل عشان مااقعد لحالي بس قلت خلاص البنات الحين جايين

مايسوى المهم ركبت اول ما جلست قالي

امس غايبه صح سلامات ماتشوفين شر <من متى المعرفه يالاخو

انا سكت ما قلت شي

بعدين قال تذكرين هذيك البنات اللي كانت تجي معنا اول ...الخ قاعد يقول سالفة وحده

كانت تجي معنا المهم يقول الادارة كلمتني وقالت لازم توديها وهي ماعندها احد يرجعها

ومادري شنو <<طيب شنو شايفني اشتغل في الادارة يعني والا تبي واسطه

بعد اشوي طالع في المرايا اللي قدامه شاف البنات جايات قال

خلاص البنات جاو بعدين نكمل سوالف<<لا ياشيخ اشرايك تجيب فصفص وتوديني الكرنيش احسن

جاو البنات مشينا لما جا يوصلني عند البيت بس مافتح باب الباص قال يمكن اغير الطريق فتصيرين من الاواخر

يعني البنات اللي يوصلهم اخر شي <<خير ان شاءالله

انا قلت في نفسي ايه هين هذا اذا شفتني مره ثانيه يامال الوجع

وبعدين قال درب الحب <<انا هنا <الدرب الي ياخذك ولا يرجعك

نزلت بسرعه قبل لا اسمع بلاوي ثانيه

رحت اشتكيت عليه الوالد قالي خذي كم بنت اللي معك في الباص وكلموا الادارة

رحت اكلم البنات كلهم نحيسات قالوا احنا ماشفنا عليه شي كيف نشتكي <<

ياللي ما تستحون يعني لما يصير فيكم شي ولا شي لا سمح الله بعدين تتحركون

غباء زايد مابي رجاءَ

المهم وصرت اجلس في المدرسه من الساعه 12 الى 1 ونص انتظر ابوي يطلع من الدوام يا خذني

لما جا ابوي كلم الحارس قاله شوف يابو عبدالرحمن بنتي... وقال اسمي تقعد تنتظرني في

الشمس الان سواق الباص يتحرش في البنات ياخي شوفوا لكم حل <<حسيته يلقي محاظرة

حسيت كل البيوت اللي جنب المدرسه فتحوا الدرايش وش هالخطبه اللي الساعه 2

طبعا من بعدها خلاص حرمت اركب مع باص عقدوني الله يعقدهم ان شاءالله

لا والمصيبه زوجة السواق عندنا تشتغل في المدرسه

الحين لو درت ان زوجها يتحرش وش بتقول عني <<خطافة الرجاله

بعدين بعد الاحداث هذي بكم يوم سألت بنات من الباص يقول السواق شي عني

قالوا ايه قلت ياساتر يقول انها كانت هاااديه كثيير ومميزة

<<لاتعليق

مشكلة هالسواقين الباصات مالهم امان الناس تأمنهم على بناتها وهم من جنبها والله

الله يستر علينا وعلى بنات المسلمين

ان شاءالله ماطولت عليكم بس




.
.
.



( ؟ )


http://www.al-amakn.net/vb/uploaded/...1288888710.gif